________________
मूलपद्यम् - प्रशान्तं दर्शनं यस्य, सर्वभताभयप्रदम् । मङ्गल्यं च प्रशस्तं च, शिवस्तेन विभाव्यते ॥१॥ अन्वयः -
'यस्य दर्शनं प्रशान्तं, सर्वभूताऽभयप्रदम्, मङ्गल्यं च प्रशस्तं च, तेन शिवः विभाव्यते' इत्यन्वयः ।
मनोहरा टीका -
यस्य =महादेवस्य, महान् चासौ देवश्च महादेवस्तस्य महादेवस्य देवाधिदेवस्य । दर्शनम् =प्रत्यक्षीकरणमवलोकनमित्यर्थः । प्रशान्तम् = प्रकर्षण शान्तं प्रशान्तं, उपशमप्रतिपादकत्वात् कार्ये कारणोपचाराच्छान्तिप्रदमित्यर्थः । न तु अन्यदर्शनप्रसिद्धदेववद् नयनदेहवदनादिविकारादुनमुद्वेगकरमसौम्यमित्यप्रशान्तमिति भावः । तथा सर्वभूताऽभयप्रदम् =सर्वेषां भूतानां निखिलानां प्राणिनां कृते अभयप्रदं निर्भयप्रदं भयाऽभावं प्रददाति, भयं न करोतीति तत् तादृशम्, न तु देवान्तरवच्छस्त्रादिकसान्निध्यात् कोपप्रमुखाविष्टत्वात् निजद्वेषिघातेत्यादेश्च कदापि कस्याऽपि भयप्रदमिति भावः । अत एव, मङ्गल्यम् =मङ्गलकारकं एवं मङ्गलस्वरूपम् । सम्यग्ज्ञानादिमङ्गलप्रयोज्यकत्वान्मङ्गलप्रयोजकम्, 'नन्दी मङ्गलम्' इत्युक्त रिति बोध्यम् । एतेन
श्रीमहादेवस्तोत्रम्-३
Jain Education International
For Private & Personal Use Only
www.jainelibrary.org
