________________
वीर निर्वाण संवत् और जैन काल-गणना
१०३
बारसवासा य उत्थो, कोसाए घरंमि सिरिघरसमंमि । सोऊण य पिउमरणं, रण्णो वयणं निगच्छी (?) ॥७८।। तिगिच्छिसरिसवण्णं, कोसं आपुच्छए तयं धणियं । खिप्पं खु एह सामिय, अहयं नहु वायरासेहं (?) ॥७९॥ भवणोरोह विमुक्को, छज्झइ चंदो व सोमगंभीरो । परिमलसिरि वहतो, जोण्हानिवहं ससी चेव ॥८०॥ भवणाउ निग्गओ सो, सारंगे परियणेण कड्डितो । मत्तवरवारणगओ, इह पत्तो राउलं दारं ॥८१॥ अंतेउरं अइगतो, विणीयविणओ परित्तसंसारो । काऊण य जयसद्दो, रन्नो पुरतो ठितो आसि ॥८२॥ अह भणइ नंदराया, मंतिपयं गिण्ह थूलभद्द महं । पडिवज्जसु तेवट्ठाई, तिण्णि नगरागरसयाई ॥८३।। रायकुलसरिसभूए, सगडालकुलंमि तं सि संभूओ । सत्थेसु य निम्मातो, गिण्हसु पिउसंतियं एवं ॥८४॥ अह भणइ थूलभद्दो, गणियापरिमलसमप्पियसरीरो । सामी कयसामत्थो, पुणो अ भे विण्णवेसामि ॥८५।। अह भणति नंदराया, केण समं दाई तुज्झ सामत्थं । को अण्णो वरतरतो निम्मातो सव्वसत्थेसु ॥८६॥ कंबलरयणेण ततो, अप्पाणं सुट्ठ संवरित्ताणं । अंसूणि निण्हयंतो, असोगवणियं अह पविट्ठो ॥८७|| जेत्तियमेत्तं दिण्णं, तेत्तियमेत्तं इमंमि भूतत्ति (?) । एत्तो नवरि पडामो, सोव्व (सव्वे) मीणाउलघरंमि ॥८८॥ आणारज्जं भोगा, रण्णो पासंमि आसणं पढमं । सव्वत्त इमं न खमं, खमं तु अप्पखमं काउं ॥८९।। केसं परिचितंतो, रायकलाओ य जे परिकिलेसे । नरएसु य जे केसे, ता लुंचति अप्पणो केसे ॥९०॥ तं विय परिहियवत्थं छेत्तूणं कुणइ अग्गतोआरं । कंबल रयणो गुंठिं, काउं रण्णो ठियं पुरतो ॥९१॥
Jain Education International
For Private & Personal Use Only
www.jainelibrary.org
