________________
१०२
वीर निर्वाण संवत् और जैन काल-गणना
सो विय पागडदंतं, दरवियसियकमलसच्छह हसिउं । भणइ य गारवयाए, सुयइड्ढी दरिसिया य मए ॥६५॥ तं वयणं, सोऊणं, तातो अंचियतणूरुहसरीरा । पुच्छंति पंजलियउडा, वागरणत्थे सुणिउणत्थे ॥६६।। इयरो विय भगिणीओ, वीसज्जेऊण थूलभद्दरिसी । उचियंमि देसकाले, सज्झायमुवट्टिओ काउं ॥६७॥ अह भणइ भद्दबाहू, अणगार ! अलाहि एत्तियं तुझं । परियट्टतो अठ्ठ (च्छ) सु, एत्तियमेत्तं वियत्तं मे ॥६८।। अह भणइ थूलभद्दो, पच्छायावेण तावियसरीरो । इड्ढी गारवयाए, सुयविसयं जेण अवरद्धं ॥६९।। नवि ताव मज्झ मणुं, जह मे ण समाणियाइं पुव्वाइं । अप्पा हु मए अवरहितो, त्ति पलियं खमे मण्णुं ॥७०॥ एतेहिं नासियव्वं, सएविणावि (?) जह सासणे भणियं । जं पुण मे अवरद्धं एयं पुण डहति सव्वंगं ॥७१॥ वोच्छंति य मयहरया, अणागता जेय संपतीकाले । गारवियथूलभदंमि, नाम नट्ठाई पुव्वाइं ॥७२।। अह विण्णविति साहू, सगच्छया करिय अंजलि सीसे । भद्दस्स ता पसियह, इमस्स एक्कावराहस्स ॥७३॥ रागेण व दोसेण व, जं च पमाएण किंचि अवरद्धं । तं भे सउत्तरगुणं, अपुणकारं खमावेति ॥७४।। अह सुरकरिकरउवमाणबाहुणा भद्दबाहुणा भणियं । मा गच्छह निछंतं (?), कारणमेगं निसामेह ॥५॥ रायकुलसरिसभूते, सगडालकुलम्मि एस संभूतो । दुहराउ चेव पुण्णो, निम्मातो सव्वसत्थेसु ॥७६॥ कोसा नामं गणिया, समिद्धकोसा य विउलकोसा व । जीए घरे उवट्ठो, रतिसंवेसं विवेसंमि ॥७७||
Jain Education International
For Private & Personal Use Only
www.jainelibrary.org
