________________
वीर निर्वाण संवत् और जैन काल-गणना
संघाडएण गंतूण, आणितो (णत्तो) समणसंघवयणेणं । सो संघथेरपमुहेहिं, गणसमुहेहिं आभट्टो ॥२६॥ तं अज्जकालियजिणो, वीरसंघो तं जायए सव्वो । पुव्वसुयकम्म (कम)धारय पुव्वाणं वायणं देहि ॥२७॥ सो भणति एव भणिए, असिकिलिट्ठएण वयणेणं । न हु ता अहं समत्थो, इहि भे वायणं दाउं ॥२८॥ अप्पट्टे आउत्तस्स, मज्झ कि वायणाए कायव्वं । एवं च भणिय मेत्ता, रोसस्स वसं गया साहू ॥२९॥ अह विण्णविति साहू, हंचेवसि (?) पाडिपुच्छणं अम्हं । एव भणंतस्स तुहं, को दंडो होइ तं मुणसु ॥३०॥ सो भणति एवं भणिए, अविसंनो वीरवयणनियमेण । वज्जेयव्वो सुयगिन्हतो (निन्हवो) त्ति अह सव्वसाहूहिं ॥३१॥ तं एवं जाणमाणो, नेच्छसि ने पाडिपुच्छयं दाउं । तं ठाणं पत्तं ते, कहं तं पासे ठवीहामो ॥३२॥ बारसविहसंभोगे, वज्जए तो तयं समणसंघो । जं ने जाइज्जतो, नवि इच्छसि वायणं दाउं ॥३३॥ सो भणति एव भणिए, जसभरितो अयसभीरुतो धीरो । एक्केण कारणेणं, इच्छं भे वायणं दाउं ॥३४।। अप्पटे आउत्तो, परमटे सुट्ठ दाइं उज्जुत्तो । नवि हं वाहरियव्वो, अहंपि नवि वाहरिस्समामि ॥३५॥ पारियकाउसग्गो, भत्तट्ठितो व अहव सेज्जाए । नितो व अइंतो वा, एवं भे वायणं दाहं ॥३६॥ बाळंति समणसंघो, अम्हे अणुयत्तिमो तुहं छंद । देहि य धम्मावादं तुम्हं छंदेण घेच्छामो ॥३७॥ जे आसी मेहावी, उज्जुत्ता गहणधारणसमत्था । ताणं पंचसयाई, सिक्खगसाहूण गहियाइं ॥३८॥
Jain Education International
For Private & Personal Use Only
www.jainelibrary.org
