________________
१००
वीर निर्वाण संवत् और जैन काल-गणना
वेयावच्चगरा से, एक्केकस्सेव उट्ठिया दो दो । भिक्खंमि अपडिबद्धा, दिया य रत्तिं च सिक्खंति ॥३९ ते एग संघ साहू, वायणपरिपुच्छणाए परितंता । वाहारं अलहंता, तत्थ य जं किचि असुणंता ॥४०॥ उज्जुत्ता मेहावी, सद्धाए वायणं अलभमाणा । अह ते थोवा थोवा, सव्वे समणा विनिस्सरिया ॥४१॥ एको नवरि न मुंचति, सगडालकुलस्स जसकरो धीरो । नामेण थूलभद्दो, अविहीसाधम्मभद्दोत्ति ॥४२।। सो नवरि अपरितंतो, पयमद्धपयं च तत्थ सिक्खंतो । अन्नेइ भद्दबाहुं, थिरबाहुं अट्ठवरिसाइं ॥४३॥ सुंदर अट्ठपयाई, अट्टहिं वासेहिं अट्ठमं पुव्वं । भिंदति अभिण्णहियतो, आमेलेउं अह पवत्तो ॥४४|| तस्स विदाई समत्तो, तव नियमो एव भद्दबाहुस्स । सो पारिततवनियमो, वाहरिउं जे अह पवत्तो ॥४५।। अह भणइ भद्दबाहू, पढमं ता अट्ठमस्स वासस्स । अणगार ! न हु किलिस्ससि, भिक्खे सज्झायजोगे य ॥४६॥ सो अट्ठमस्स वासस्स, तेण पढमिल्लुयं समाभट्ठो । कीस य परितंमीहं, धम्मावाए अहिज्जंतो ॥४७|| एकं ती भे पुच्छं, केत्तियमेतमि सिक्खित्तो होज्जा । कत्तियमेत्तं च गयं, अहिं वासेहिं कि लद्धं ॥४८॥ मंदरगिरिस्स पासंमि, सरिसवं निक्खिवेज्ज जो पुरिसो । सरिसवमेत्तं ति गयं मंदरमेत्तं च ते सेसं ॥४९॥ सो भणइ एवं भणिए, भीतो नवि ता अहं समत्थोमि । अप्पं च महं आउ, बहुसुयं मंदरो सेसो ॥५०॥ मा भाहि नित्थरीहिसि, अप्पतरएण वीर कालेणं । मज्झ नियमो समत्तो, पुच्छाहि दिवा य रत्तिं च ॥५१।।
Jain Education International
For Private & Personal Use Only
www.jainelibrary.org
