________________
257
||15,17 नवम्बर 2006
जिनवाणी ५. एदं कत्थ होदि? अप्पावराहे गुरूहि विणा वट्टमाणम्हि होदि । . ६. सगावराहं गुरुणमालोचिय गुरुसक्खिया अवराहादो पडिणियत्ती उभयं णाम पायच्छित्तं। ___७. एदं कत्थ होदि? दुस्सुमिणदंसणादिसु ।
गण-गच्छ-दव्व खेत्तादीहिंतो ओसारणं विवेगो णाम पायच्छित्तं। एदं कत्थं होदि? जम्हि संते अणियत्तदोसो सो तम्हि होदि। उववासादीहि सह गच्छादिचागविहाणमेत्थेव
णिवददि, उभयसद्दाणुवुत्तीदो। १०. झाणेण सह कायमुज्झिदूण मुहूत्त-दिवस-पक्ख-मासादिकालमच्छणं विउस्सग्गो णाम पायच्छित्तं । एत्थ वि
दुसंजोगादीहि भंगुप्पत्ती वत्तव्वा; उभय-सद्दस्स देसामासियत्तादो। ११. सो कस्स होदि? कयावराहस्स णाणेण दिठ्ठणवठ्ठस्स वज्जसंघडणस्स सीदवादादवसहस्सओघसूरस्स साहुस्स
होदि। खवणायंबिल-णिव्वियडि-पुरिमंडलेयाणाणि तवो णाम । एत्थ दुसंजोगा जोजेयव्वा ।
एवं कस्स होदि? तिव्विंदियस्स जोव्वणभरत्थस्स बलवंतस्स सत्तसहायस्स कयावराहस्स होदि । १४. दिवस-पक्ख-मास-उदु-अयण-संवच्छरादिपरियायं छेत्तूण इच्छिद- परियायादो हेट्ठिमभूमीए ठवणं छेदोणाम
पायछित्तं। १५. एदं कस्स होदि? उववासादिखमस्स ओघबलस्स ओघसूरस्स गव्वियस्स कयावराहस्स साहुस्स होदि । १६. सव्वं परियायमवहारिय पुणो दीक्खणं मूलं णाम पायच्छित्तं।। १७. एदं कस्स होदि? अवरिमिय अवराहस्स पासत्थोसण्ण-कुसील-सच्छंदादि-उव्वट्टियस्स होदि । १८. परिहारो दुविहो अणवट्ठओ परंचिओ चेदि । तत्थ अणवठ्ठओ जहण्णेण छम्मास कालो उक्कस्सेण बारसवासपेरंतो |
कायभूमीदो परदो चेव कयविहरो पडिवंदणविहिदो गुरुवदिरित्तासेसजणेसु कयमोणाभिग्गहो खवणायंबिलपुरिमड्डे याणणिव्वियदीहि सोसिय-रसरूहिर-मांसो होदि। जो सो पारंचिओ सो एवंविहो चेव होदि, किन्तु साधम्मियवज्जियखेत्ते समाचरेयव्वो। एत्थ उक्कस्सेण छम्मासक्खवणं पि उवइटुं। एदाणि दो वि पायच्छित्ताणि
णरिंदविरुद्धाचरिदे आइरियाणं णव-दसपुव्वहराणं होदि । १९. मिच्छत्तं गंतूण ट्ठियस्स महव्वयाणि घेत्तूण अत्तागम-पयत्थसद्दहणा चेव (सद्दहणं) पायच्छित्तं ।
Jain Education International
For Private & Personal Use Only
www.jainelibrary.org
