________________
[ ३५ ]
भवउ " त्ति कटु मेहस्स कुमारस्स अम्मापियरो समणं भगवं महावीरं वंदंति नमसंति, वंदित्ता नमंसित्ता जामेव दिसि पाउभूता तामेव दिसि पडिगया ।
तते णं से मेहे कुमारे सयमेव पंचमुडियं लोयं करेति, करित्ता जेणामेव समणे भगवं महावीरे तेणामेव उवागच्छति, उवागच्छित्ता समणं भगवं महावीर तिक्खुत्तो आयाहिणं पयाहिणं करेति, करित्ता वंदति नमसति, वंदित्ता नमंसित्ता एवं वदासी---
" आलित्ते णं भंते ! लोए, पलिते गंभंते लोए, आलित्तपलित्ते णं मते लोए जराए मरणेण य । से जहाणामए केई गाहावती, अगारंसि दिशायमागंसि जे तत्य भंडे भवति अप्पभारे मोलगुरुए तं गेंहाय आयाए एगतं अवक्कमति-'एस मे णित्यारिए समाणे पच्छा पुरा हियाए, सुहाए, खमाए, णिस्सेसाए, आणुगामियत्ताए भविस्सति, एयामेव मम वि एगे आयाभंडे इटे, कंते, पिए, मणुन्ने, मैणामे, एस मे नित्थारिए समाणे संसारवोच्छेयकरे भविस्सति । तं इच्छामि णं देवाणुप्पियाहि सयमेव पव्वावियं, सयमेव मुंडावियं, सेहावियं, सिक्खावियं, सयमेव आयार-गोयर-विणय-वेणइय-चरणकरण-जाया-मायावत्तियं धम्ममाइक्खियं "।
Jain Education International
For Private & Personal Use Only
www.jainelibrary.org
