________________
[ ३६ ]
कुमारे कामेसु जाए, भोगेसु संवुड्डे, नोवलिप्पति कामरएणं, नोवलिप्पति भोगरएणं । - ___" एस णं देवाणुप्पिया ! संसारभउविगे, भीए जम्मणजरमरणाणं इच्छइ देवाणुप्पियाणं अंतिए मुंडे भवित्ता अगाराओ अणगारियं पव्वतित्तए । अम्हे णं देवाणुप्पियाणं सिरसभिक्खं दलयामो, पडिच्छंतु णं देवाणुप्पिया सिस्सभिक्खं ।"
तते णं से समणे भगवं महावीरे मेहरस कुमारस्स अम्मापिऊएहिं एवं वुत्ते समाणे एयमटुं सम्म पडिसुणेति ।
तते णं से मेहे कुमारे समणस्स भगवओ महावीरस्स अंतियाओ उत्तरपुरस्थिमं दिसिभागं अवक्कमति, अवक्कमित्ता सयमेव आभरणमल्लालंकारं ओमुयति । ___तते णं से मेहकुमारस्स माया हंसलक्खणेणं पडसाडएणं आभरणमलालंकार पडिच्छति, पडिच्छित्ता हार-वारिधारसिंदुवार-छिन्नमुत्तावलिपगासाति अंसूणि विणिम्मुयमाणी विणिम्मुयमाणी, रोयमाणी रोयमाणी, कंदमाणी कंदमाणी, विलवमाणी विलन्माणी एवं वदासी
"जतियव्वं जाया । घडियचं जाया । परक्कमियव्वं जाया। अस्सिं च णं अढे नो पमादेयव्वं । अम्हपि णं एमेव मग्गे
Jain Education International
For Private & Personal Use Only
www.jainelibrary.org
