________________
[ १७९] भाणिओ जंबुनामेण -- "पभव! सुणाहि, अहं सयणं विभवं च इमं वित्थिन्नं चइऊण पभायसमए पव्वइउकामो, सावओ मया सब्बारंभा परिचत्ता।"
तं च सोऊण पभवो परमविम्हिओ उवविट्ठो- " अहो! अच्छरियं !! जं इमेणं एरिसी विभूई तणपूलिया इव सव्वहा परिचत्ता, एरिसो महप्पा वंदणीउ " त्ति विणयपणओ. भणइ
"जंबुनाम! विसया मणुयलोयसारा, ते इत्थिसहिओ परिभुजाहि । साहीणसुहपरिचायं न पंडिया पसंसति । अकाले पवइड कीस ते कया बुद्धी? परिणयवया धम्ममायरतो न गंरहिया ।"
पुणो कयंजली विन्नवेइ पभवो- “सामी! लोगधम्मो वि ताव पमाण कीरउ, पिउणो उवयारो कओ होइ, तेर्सि पुत्तपञ्चयं तित्ति वणंति वियक्खणा--'निरिणो य पुरिसो सग्गगामी होइ'"
ततो जंबुनामो भणइ -"न एस परमत्थी, पुत्तो पिउणो भवंतरगयस्स अविजाणओ उवयारबुद्धीए अवगार करिज्जा । न य पुत्तपञ्चया तित्ती पिउणो, 'सयंकयकम्म
Jain Education International
For Private & Personal Use Only
www.jainelibrary.org
