________________
[ १५५ ]
तते ण सा भद्दा सत्यवाही धण्णेणं सत्यवाहणं अब्भणुनाता समाणी हद्वतुवा विपुलं असणपानखातिमसातिम उवक्खडावेति, उवक्खडावित्ता सुबई पुष्फगंधवत्थमल्लालंकार गेण्हति, गेण्हित्ता सयाओ गिहाओ निग्गच्छति, निग्गच्छित्ता रायगिहं नगरं मज्झमझेणं निग्गच्छति, निग्गच्छित्ता जेणेव पोक्खरिणी तेणेव उवागच्छति, उवागच्छित्ता पुक्खरिणीए तीरे सुबहु पुष्फवत्थगंधमलालंकारं ठवेइ, ठवेत्ता पुक्खरिणं ओगाहइ, ओगाहित्ता जलमजणं करोति, जलकीडं करेति, करिता बहाया कयबलिकम्मा उल्लपडसाडिगा जाई तत्थ उप्पलाई सहस्सपत्ताई ताई गिण्हइ, गिण्हित्ता पुक्खरिणीओ पच्चोरुहइ, पच्चोरुहित्ता तं सुबहुं पुप्फगंधमलं गेण्हति, गेण्हित्ता जेणामेव नागघरए य....जाव वेसमणघरए य तेणेव उवागच्छति, उवागच्छित्ता तत्थ णं नागपडिमाण य....जाव वेसमणपडिमाण य आलोए पणामं करेइ, ईसिं पञ्चुन्नमइ, पच्चुन्नमित्ता लोमहत्थगं परामुसइ, परामुसित्ता नागपडिमाओ य....जाव वेसमणपडिमाओ य लोमहत्येणं पमज्जति, उदगधाराए अब्भुक्खेति, अन्भुक्खित्ता पम्हलसुकुमालाए गंधकासाईए गायाई लहेइ, लूहित्ता महरिहं वत्थारुहणं च मल्लारुहणं च गंधारुहणं च चुन्नारुहणं च वन्नारुहणं च करेति, करित्ता जाव धूवं डहति, डहित्ता जाणुपायपडिया पंजलिउडा एवं वयासी
Jain Education International
For Private & Personal Use Only
www.jainelibrary.org
