________________
[१५१ ]
तस्स थे जिन्नुज्जाणस्स बहुमज्झदेसभाए एत्थ णं महं एगे मालयाकच्छए यावि होत्था,-किण्हे, किण्होभासे, रम्मे, महामेहनिउरंबभूते, बहूहिं रुक्खेहि य गुच्छेहि य गुम्मेहि य लयाहि य वल्लीहि य तणेहि य कुसेहि य खागुएहि य संछन्ने, पलिच्छन्ने, अंतो झुसिरे, बाहिं गंभीरे, अणेगवालसयसंकणिज्जे यावि होत्था ।
तत्थ णं रायगिहे नगरे धण्णे नामं सत्यवाहे अड्डे, दित्ते, विउलभत्तपाणे।
तस्स गं धन्नरस सत्यवाहस्स भद्दा नाम भारिया होत्था, -सुकुमालपाणिपाया, अहीणपडिपुण्णपंचिदियसरीरा, लक्खणवंजणगुणोववेया, माणुम्माणप्पमाणपडिपुन्नसुजातसव्वंगसुंदरंगी, ससिसोमागारा, कंता, पियदसणा, सुरूवा, करयलपरिमियतिव. लियमझा, कुंडललिहियगंडलेहा, कोमुदिरयणियरपडिपुण्णसोमवयणा, सिंगारागारचारुवेसा, पडिरूवा वंशा, अवियाउरी यावि होत्था ।
तस्स ण धण्णस्स सत्थवाहस्स पंथए नाम दासचेडे होत्था,-सव्वंगसुंदरंगे मंसोवचिते बालकीलावणकुसले यात्रि होत्या ।
Jain Education International
For Private & Personal Use Only
www.jainelibrary.org
