________________
[ १३४ ]
अह पव्वयेण य लहुं, माया विसज्जिया वसुरायासं । भाइ पहु पक्खवायं, पुत्तस्स महं करेज्जासि ॥ २९ ॥ अह उग्गयम्मि सूरे, पव्चयओ नारयओ य जणसहिया । पत्ता नरिन्दभवणं, जत्यच्छइ वसुमहाराया ॥ ३० ॥ भणिओ य नारएणं, वसुराया सच्चवाइणो तुम्हे | जं गुरुजणोवइट्टं, तं चिय वयणं भणेज्जाहि ॥ ३१ ॥ जइ वीहिया अविजा, वुञ्चन्ति अजा पसू गुरुबइट्ठा । एयाणं इक्कयरं भणाहि सच्चेण सत्तो सि ॥ ३२ ॥ अह भणइ वसुनरिन्दो, तच्चत्थं पव्वण उल्लवियं । अलियं नारयवयणं, न कयाइ सुयं गुरुसगासे ॥ ३३ ॥ एवं च भणियमेत्ते, फलिहामय आसणेण समसहिओ । धरणिं वसू पविट्टो, असच्चवाई सहामझे ॥ ३४ ॥ पुढवी जा सत्तमिया, महातमा घोरवेयणाउत्ता । तत्थेव य उववन्नो, हिंसावयणालियपलावी ॥ ३५ ॥ विद्धि त्ति अलियवाई, पव्वययवसु जणेण उग्घुटुं । पत्तो चिय सम्माणं, तत्थेव व नारओ विउलं ॥ ३६ ॥ पावो वि हु पव्वयओ, जणधिक्कारेण दुमियसरीरो । काऊण कुच्छियत्तवं, मरिऊणं रक्खसो जाओ ॥ ३७ ॥
Jain Education International
For Private & Personal Use Only
www.jainelibrary.org
