________________
[ १३३ ]
अह नारओ वि तइया, गुरुपत्ति दुक्खियं सुणेऊणं । आगन्तूण पणाम, करइ संथावणं तीए ॥२०॥ तइया जियारिराया, पव्वइओ वसुसुयं ठविय रजे । आगासनिम्मलयरं, फलिहमयं आसणं दिव्वं ॥२१॥ पव्यययनारयाणं, तञ्चत्यनिरूवणी कहा जाया। अह नारएण भणिय, दुविहो धम्मो जिणक्खाओ ।। २२ ।। पढममहिंसा सच्चं, अदत्तपरिवजणं च बम्मं च । सधपरिग्गहविरई, महव्वया होन्ति पञ्च इमे ॥ २३ ॥ सेसा अणुव्वयधरा, गिहिधम्मपरा हवन्ति जे मणुया । पुत्ताइभेयजुत्ता, अतिहिविभागे य जन्ने य ।। २४ ॥ एत्तो अजेसु जन्नो, कायन्दो नारओ भणइ एवं । ते पुण अजा अबिज्जा, जवाइयंकुरपरिमुक्का ॥२५ ॥ तो पन्वएण भणियं, वुञ्चन्ति अजा पसू न संदेहो । ते मारिऊण कीरई, जन्नो एसा भवइ दिक्खा ॥ २६ ॥ तो नारएण भणिओ, पव्वयओ मा तुर्म अलियवादी । होऊण जासि नरयं, दुक्खसहस्साण आवासं ॥ २७ ॥ भणइ तओ पव्वयओ, अस्थि वसू अम्ह एत्थ मज्झत्यो। एगगुरुगहियविज्जो, तस्स य धयणं पमाणं मे ॥२८॥
Jain Education International
For Private & Personal Use Only
www.jainelibrary.org
