________________
[ १०९]
तते णं से धण्णे सत्यवाहे रोहिणीयाए सुवहुयं सगडसागडं दलयति । तते ण रोहिणी सुबहु सगडसागडं गहाय जेणेव सए कुलघरे तेणेव उवागच्छर, उवागच्छित्ता कोदागारे विहाडेति, विहाडित्ता पल्ले उभिदति, उभिदित्ता सगडीसागडं भरेति, भरित्ता रायगिहं नगरं मझमज्झेणं जेणेव सए गिहे, जेणेव धण्णे सत्यवाहे तेणेव उवागच्छति ।
तते ण रायगिहे नगरे बहुजणो अन्नमन्नं एवमातिक्खति
" धन्ने णं देवाणुप्पिया! धण्णे सत्थवाहे, जस्स गं रोहिणिया सुण्हा, जीए णं पंच सालिमक्खए सगडसागडिएणं निज्जाएति।" ___तते णं से धण्णे सत्यवाहे ते पंच सालिअक्खए सगडसागडेणं निब्जाएतिते पासति, पासित्ता हसतुटे पडिच्छति, पडिच्छित्ता तस्सेव मित्तनाति० चउण्ह य सुण्हाणं कुलघरवग्गस्स पुरतो रोहिणीयं सुण्हं तस्स कुलघरस्स बहुसु कज्जेसु य जाव रहस्सेसु य आपुच्छणिज्जं पमाणभूयं ठावेति ।
एवामेव समणाउसो ! .... जाव पंच महन्वया संवड्डिया भवंति. से णं इह भवे चेव बहूणं समणाणं अच्चणिज्जे संसारकतारं वीतीवइस्सइ जहा व सा रोहिणीया ।
(श्रीज्ञाताधर्मकथाङ्गम् , अध्ययन ७)
Jain Education International
For Private & Personal Use Only
www.jainelibrary.org
