________________
उवासगदसासु
तए णं से महासयप समणोवासए पढम उवासगपडिम उवसंपज्जित्ताणं विहरइ । पढमं अहासुत्तं जाव एक्कारस वि ॥२५०।
तए णं से महासयए समणोवासप तेणं उरालेणं जाप किसे धमणिसंतए जाए ॥२५१॥
तए णं तस्स महासययस्स समणोवासयस्स अन्नया कयाइ पुव्वरत्तावरत्तकाले धम्मजागरियं जागरमाणस्स अयं अज्झथिए ४-"एवं खलु अहं इमेणं उरालेणं" जहा आणन्दो तहेव अपच्छिममारणन्तियसंलेहणाए झूसियसरीरे भत्तपाणपडियाइक्खिए कालं अणवकङ्खमाणे विहरइ ॥२५२॥
तए णं तस्स महासयगस्स समणोवासगस्स सुमेणं अज्झवसाणेणं जाव खओवसमेणं ओहिणाणे समुप्पन्ने । पुरत्थिमेणं लवणसमुद्दे जोयणसाहस्सियं खेत्तं जाणा पासइ, एवं दक्खिणेणं, पञ्चत्थिमेण । उत्तरेणं जाव चुल्लहिमवन्तं वासहरपव्वयं जाणइ पासइ, अहे इमीसे रयणप्पभाए पुढवीए लोलुयच्चुयं नरयं चउरासीइवाससहस्सट्टिइयं जाणइ पासइ ।२५३॥
तए ण सा रेवई गाहावइणी अन्नया कयाइ मत्ता जाव उत्तरिज्जयं विकढमाणी २ जेणेव महालयए समणोपासए जेणेव पोसहसाला तेणेव उवागच्छद, २त्ता महासययं तहेव भणइ जाव दोच्च पि तच्चं पि एवं वयासी"हं! भो!" तहेव ॥२५४॥
तए णं से महासयए समणोवासए रेवईए गाहावइणीए दोच्चं पि तच्चं पि एवं वुत्ते समाणे आसुरत्ते ४ ओहि पउञ्जइ, २त्ता ओहिणा आभोएइ, २त्ता रेवई गाहाघडणि एवं वयासी-"हं ! भो! रेवई ! अपत्थियपत्थिए ! ४ पवं खलु तुम अन्तो सत्तरत्तस्स अलसएणं वाहिणा
Jain Education International
For Private & Personal Use Only
www.jainelibrary.org
