________________
उवासगदसासु
वयासो--"ह भो! चुलणीपिया! समणोवासया ! अपत्थियपत्थिया ! ४ जइ णं तुमं जाव न भञ्जसि, तओ अहं अज्ज जा इमा तव माया भद्दा सत्थवाही देवयगुरुजणणी दुक्करदुक्करकारिया, तं ते साओ गिहाओ नीणेमि, २त्ता तव अग्गओ घाएमि, २त्ता तओ मसलोल्लए करेमि, २त्ता आदाणभरियसि कडाहयंसि अहमि, २त्ता तव गायं मंसेण य सोणिएण य आयञ्चामि, जहा णं तुम अट्टदुहवसट्टे अकाले चेव जीवियाओ ववरोविज्जसि" ॥१३५।।
तए णं से चुलणीपिया समणोवासप तेणं देवेणं एवं वुत्ते समाणे अभीए जाव विहरइ ।।१३६॥
तए णं से देवे चुलणीपियं समणोवासयं अभीयं जाव विहरमाणं पासइ, २त्ता चुलणीपियं समणोवासयं दोच्चं पि तच्चं पि एवं वयासी-हं भो ! चुलणीपिया! सम णोवासया ! तहेव जाव ववरोविज्जसि" ॥१३७॥
तए णे तस्स चुलणीपियस्स समणोवालयस्स तेणं देवेणं दोच्चं पि तच्चं पि एवं वुत्तस्स समाणस्स इमेयारूवे अज्झथिए ५--"अहो णं इमे पुरिसे अणारिए अणारियबुद्धी अणारियाई पावाई कम्माइं समायरइ, जेणं मम जेठं पुत्तं साओ गिहाओ नीणेइ, २त्ता मम अग्गओ घाएइ, २त्ता जहा कयं तहा चिन्तेइ जाव गायं आयञ्चइ, जेणं ममं मज्झिमं पुत्तं साओ गिहाओ जाव सोणिएण य आयउचइ, जेणं ममं कणीयसं पुत्तं साओ गिहाओ तहेव जाव आयञ्चइ, जा वि य णं इमा ममं माया भद्दा सत्थवाही देवयगुरुजणणी दुक्करदुक्करकारिया, तं पि य णं इच्छा साओ गिहाओ नीणेत्ता मम अग्गो घाएत्तए, तं सेयं खलु ममं एयं पुरिसं गिहित्तए" ति कट्टु उद्धाइए, से बि य आगासे उत्पइए, तेणं च स्वम्मे आसाइप, महया महया सद्देणं कोलाहले कर ॥१३८॥
Jain Education International
For Private & Personal Use Only
www.jainelibrary.org
