________________
अनेकान्तजयपताका
उक्तं च"वीतरागा जिनाः सर्वे मोहनीयनिवृत्तितः।
तद्भेदा हि यतः प्रोक्ताः सर्वे रागादयो मलाः"॥१॥ इति । तथा सर्वज्ञ इत्यनेन च ज्ञानातिशयम् । यथोक्तम् ।
"संभिन्नं पासंतो लोगमलोगं च सव्वओ सव्वम् ।
तं नस्थि जं न पासइ भूअं भव्वं भविस्सं च" ।। तथा त्रिदशनाथकृतपूज इत्यनेन पूजातिशयम् ।
उक्तं च"अशोकवृक्षः सुरपुष्पवृष्टिदिव्यो ध्वनिश्चामरमासनं च । भामण्डलं दुन्दुभिरातपत्रं सत्प्रातिहार्याणि जिनेश्वराणाम्" ॥१॥ सद्भूतवस्तुवादीत्यनेन पुनर्वागतिशयमाह । यथोक्तम्
"पोग्गलरूवो सहो तहाऽत्थवत्ता तहा पयईए उ। ___ सच्चाइचित्तधम्मा तेणिह ववहारसिद्धित्ति" ॥ शिवगतिनाथ इति तु सिद्धत्वख्यापनमेतत् । महावीर इति च नाम भगवतः;
यथोक्तम्
"अम्मापिउसंतिए वद्धमाणे देवहिं से नाम कयं समणो भगवं महावीरोत्ति" । आह-एतेषामतिशयानामित्थमुपन्यासे किं प्रयोजनम् ? इति । उच्यते । एवमेव भावः । तथाहि-नाविनिर्जितरागः सर्वज्ञो भवति, न चासर्वज्ञस्य त्रिदशनाथास्तथा पूजां कुर्वन्ति, न च तदभावे भगवान् धर्ममाचष्टे इति । प्रकारान्तरेण वचनसाफल्यं, नयपरिकल्पनाव्युदासश्च सर्वज्ञसिद्धिटीकातोऽवसेय इति । इत्थमिष्टदेवतास्तवमभिधाय प्रयोजनाद्यभिधित्सया प्रसङ्गमाह-य इहेत्यादि । यः कश्चित् , इह लोके, अनिन्धोऽनिन्दनीयः, मार्गः पन्थास्तपः स्वाध्यायादिलक्षणः, विशेषतो विशेषेण, पूर्वगुरुभिश्चिरन्तनवृद्धैः, आचरितः आसेवितः, तत्र मार्गे, प्रवर्ति
Jain Education International
For Private & Personal Use Only
www.jainelibrary.org
