________________
जहायासे लोगो भूमीए सव्वदीवुदधी । तह जाण अहिंसाए वदगुणसीलाणि तिद्वंति ॥ ८४ ॥ कुव्वंतस्स वि जत्तं तुंवेण विणा ण ठन्ति जह अरया ॥ अरएहिं विणा य जहा णट्टं णेमी दुं चक्कस्स ॥८५ ॥ तह जाण अहिंसाए विणा ण सीलाणि उंति सव्वाणि । तिस्सेव रक्खणट्टं सीलाणि वदीव सस्सस्स ॥८६॥ सीलं वदं गुणो वा णाणं णिस्संगदा सुहच्चाओ। जीवेहिंसंतस्स हु सव्वे वि णिरछया होंति ॥ ८७ ॥ सव्वेसिमासमाणं हिदयं गब्भो व सव्वसत्थाणं । सव्वेसि वदगुणाणं पिंडो सारो अहिंसा हु ॥ ८८ ॥ जम्हा असत्ववयणादिएहिं दुक्खं परस्स होदित्ति । तप्परिहारो तम्हा सव्वे वि गुणा अहिंसाए॥८९ ॥ गोवंभणित्थिवधमेत्तणियत्ती यदि भवे परमधम्मो । परमो धंमो किह सो ण होइ जा सव्वभूददया ॥९० ॥ जं जीवणिकायवधेण विणा इंदियकदं सुहं णत्थि । तम्मि सुहे णिस्संगो तम्हा सो रक्खदि अहिंसं ॥ ९१ ॥ जीवो कसायबहुलो संतो जीवाण घादणं कुणदि । सो जीववधं परिहरंदि सदा जो जिदकसाओ ॥ ९२ ॥ आदाणे णिक्खेवे वोसरणे ठाणगमणसयणेसु । सव्वत्थ अप्पमत्ते दयावरे होदि हु अहिंसा ॥ ९३ ॥ कासु णिरारंभे फासुगभोजिम्मि णाणरदिगम्मि । मणवयणकायगुत्तम्मि होदि सयला अहिंसा दु ॥ ९४ ॥ आरंभे जीववहो अप्पासुगसेवणे य अणुमोदो । आरंभादीसु मणो णाणरईए विणा चरदि ॥ ९५ ॥ सव्वे वि य संवंधा पत्ता सव्वेण सव्वजीवेहिं। वो मारंतो जीवो
Jain Education International
प्राकृत-पाण्डुलिपि चयनिका
For Private & Personal Use Only
( ७० )
www.jainelibrary.org
