Mahapurana Part 1

SR No.: 002722
Original Sutra Author: Pushpadant
Author: P L Vaidya
Publisher: Bharatiya Gyanpith
Publication Year: 1979
Total Pages: 560
Language: Hindi, Apbhramsa
Classification: Book_Devnagari & Mythology
File Size: 11 MB

Page 376

२९०
महापुराण
[१२. १४.१
१४
उक्खिवइ व मोत्तियतंदुलाई तोयई णं अग्धंजलिजलाई। भीएण व रायहु लइय वेल दावइ व विउलसलिलंतसेल । णं ढोयइ जलमयगल सैरंत जलणरकिंकरकररुहफुरंत । माणिक्कइं पवरपवालयाई णं दरिसइ तीरलयालयाई। णं बोहइ वडवाणलपईवु णं वेढिवि रक्खइ जंबुदीवु । संखाऊरउ जिह संखु धरइ पहुआणइ किंकरु किं ण करइ । उम्मुक्कविविहजलयरसणेहि णं जंपइ पायालाणणेहिं। किं विदुमराएं तुहुँ जि राउ तेलोकपियामहु जासु ताउ । मा जोयहि महिवइ तिक्खभल्लि तर तणिय वाय मजायवेल्लि । होएँप्पिणु अच्छउं एत्थु ताम . गंड लंघमि महियलि वसमि जाम। तुह मुद्दइ अंकिउ हउं समुदु मा किं पि करहि मच्छरु रउदु । घत्ता-खारत्तु ण मेल्लइ जणु किं बोल्लइ णत्थि सहावहु ओसहु॥
जसु णामु जि सायरु अवसें सायरु सो संभासई णिययपहु ॥१४॥
१५
तरुणीअंगाई व सलवणाई अहिसिंचियतीरलयावणाई। लंघेप्पिणु रयणायरवणाई पइसेप्पिणु बारहजोयणाई। ठाएप्पिणु पुणु तेत्तियहिं तेहिं तंबेहिं सरोसहि लोयणेहिं । रिउभवणु पलोइवि णिववरेण अप्फालिउ धणुहं धणुद्धरेण । अंदोलिय तारागहपयंग। महि चलिय विवरणिग्गयमुयंग। अच्छोडियबंधण विवलियंग णिण्णासिय तासिय रवितुरंग । थरहरिय धराहर धरण वरुण आसंकिये जम वइसवण पवण । संचालिय सरिसरसायरंभ गय मयगल मुडियालाणखंभ । णिवडिय पुरवर पायार गेह मुय कायर गर भैयंभंतदेह । वरवीरहिं खग्गहु दिण्ण दिह्रि अवर वि चवंति हा णट्ठ सिहि । दप्पिट्ट दुट्ठ मुयवलविमद्दु भडभीयरु भावइ भी सदु । किं मंदरसिहरु सठाणल्हसिउ किं जगु कवलिवि कालेण हसिउ । घत्ता-पायालि फणिदहिं महिहि गरिंदहिं सग्गि सुरिंदहिं कपिउँ ।।
धणुगुणटंकार अइगंभीरें कासु हूयउं विप्पिउँ ॥१५।। १४. १. P ढोयइ । २. MBP रसंत; K सरंत but corrects it to रसंत । ३. BP दरसइ । ४. MBP
पईउ । ५. MBP जंबुदीउ । ६. MBP संखाऊरिउ । ७. MBP तेल्लोक । ८. MBP होएविणु
अच्छमि । ९. ण हु। १५. १. MBP धराधर । २. M आसंकय; BP आसंकइ। ३. P भयवंत । ४. MBP मुट्रि। ५. MBP
भीमसद् । ६. Bण्हसिउ । ७. MBP णं जगु । ८. PK कंपियउ । ९. P विप्पियउ ।