________________
२८०
महापुराण
[१२. ५.२१
गिरिणो दलिजति मग्गा रइज्जति । दूरं समग्गेण
चक्काणुमग्गेण । संतोसपुण्णाई
गच्छंति सेण्णाई। णयणाहिरामाई
गामाई सीमाई। विसमाई मंठाई
विंझोवकंठाई। हलहरणिवासाई लंघंतु देसाई। पविसंतु रोहंतु
अहिणो विरोहंतु। णिक्खवियणियसत्तु सुरवरसरि पत्तु । पत्ता-पंडुर गंगाणइ महियलि घोलइ किंणरसरसुहभंतहो" ॥
अवलोइय राएं छुडु छुडु आएं साडी णं हिमवंतहो ॥५॥
णं सिहरिघरारोहणणिसेणि णं रिसहणाहजसरयणखाणि । णिम्मल णावई जिणणाहवाय मयरंकिय णं वम्महवडाय । णं विसमविर्डप्पभउत्तसंति धरणीयलि लीणी चंदकंति । णं णिर्द्धधोयकलहोयकुहिणि णं कित्तिहि केरी लहुय बहिणि । गिरिरायसिहरपीवरथणाहि णं हारावलि वसुहंगणाहि । वियलियकंदरदरिवडिय सच्छ धरणिहरकरिंदहु णाई कच्छ । सिय कुडिल तहु जि णं भूइरेह णं चक्कवट्टिजयविजयलीह । आयासहु पडिय धरित्तियाइ सुपडिच्छिय णं पियसहि पियाइ । पक्खलइ वलइ परिभमइ ठाइ णियठाणभंसचिंताइ णाई। णिग्गय णयवम्मीयह सवेय विसपउर णाई णाइणि सुसेय । हंसावलिवलयविइण्णसोह "उत्तरदिसिणारिहि णाई बाह । घत्ता-बहुरयणणिहाणहु सुह सुलोणहु धवलविमलमंथरगइ।
सायरभत्तारहु सई गंभीरहु मिलिय गंपि गंगाणइ ॥६॥
जहिं मच्छेपुच्छपरियत्तियाई सिप्पिउडुच्छेलियई मोत्तियाई । घेप्पंति तिसाहयगीयएहिं जलबिंदु भणिवि बैप्पीहएहिं । जलरिहहिं पिज्जइ जलु सुसेउ तमपुंजहिं णावई चंदतेउ । सोहइ रत्तुप्पलदलरुईइ
पुणु सो जि णाई संझारईइ । जहिं कीरउलई कीलारयाई दहिकुट्टिमि णावइ मरगयाई । जहिं कंकहारणीहारछाय
कल्लोल हंसपक्ख वि ण णाय । ९. MBP संठाई। १०. MB गेहंतु । ११. P भत्तहो। ६. १. MBP वम्महपडाय । २. P विडप्पइ भउ तसंति । ३.G सिद्ध but gloss स्निग्ध । ४. MBP
विवरियं । ५. MBP उत्तरदिस । ६. MBP सलोणहु । ७. १. MBPK °पुंछ । २. B°उडच्छलियई। ३. MBP वव्वीहएहि ।
Jain Education International
For Private & Personal Use Only
www.jainelibrary.org
