________________
२५०
[११. १४.९
महापुराण हाइ जहिं जि तहिं दूमियपिंडई पूयरुहिरकिमिभरियई कोंडई। बिहिं तिहिं पंचहिं पीडिवि धरियहु ण्हायहु पूयदहहु णीसरियहु । घत्ता-उक्कत्तिवि तासु दिजइ कत्ति णियासणउं।
आयसवलयाई सिहितावियई विहूसणउं ॥१४॥
पेच्छइ जहिं जि तहिं जि जमसासणु बइसइ जहिं जि तहिं जि सूलासणु । मुंजइ जहिं जि तहिं जि दुग्गंधई णीरसाइं फरसाइं विरुद्धई। आहरियई पुग्गलई अकामहु . असुहत्तण जंति परिणामहु । णिसुणइ जहिं जि तर्हि जि दुव्वयणइं फंसइ जहिं जि तहिं जि खरसयणइं। जं चक्खई तं तं विरसिल्लउ जं चितइ तं तं मणसल्लउ । जं अग्धायइ तं कुणिमंगउ णारयखेत्ति णउ काई मि चंगउ । उर्द्धसासु अइखासु जलायरु अच्छिकुच्छिसिरवियण महाजरु । संभवंति दुक्कियलगेहइ
सव्वउ वाहिउ णारयदेहइ । घत्ता-अणुमीलेणु कालु सोक्खु ण लब्भइ किं पि जहि ।
सारीरउं दुक्खु काई कहिजइ राय तहिं ॥१५॥
१६
हउं णारायणु पडिणारायणु हर महिवइ होतउ सुहभायणु । एम भणंतु कयंतु व कुप्पइ
माणसिएं दुक्खे संतप्पइ। दाणवणिवहहिं पडिचोइज्जइ जुज्झमाणु सो एम भणिजइ । तुहुं अणेण चिरभवि सरदारिउ वरमहिमहिलाकारणि मारिउ । विझमहागिरिगेरुयपिंजरु सीहें एण हयउ तुहुं कुंजरु। पक्खि एण गिलिउ तुहुँ विसहरु महिसे णेण दलिय तुहुं अयवरु । अविरलखरणहरेहिं णिरुद्धउ वग्घेणेण हरिणु तुहुं खद्धउ । हणु हणु एहु एम पञ्चारिउ णं वाएण जलणु संचारिउ । जुज्झइ णारउ णारय गोंदलि णिवडमाणु कोंतोसणि सव्वलि । घत्ता-कंपणकणएहिं लंगलमुसलहिं रिउ दलइ ।
.णियदेहु जि ताहं पहरणरूवहिं परिणमइ ।।१६।। ६. MBPT दुम्मियं । ७. MBP कुंडई । ८. MBP कित्ति । ९. MBP°तावियउं । १५. १. P जहिं तहिं जिं। २. MBP कुणियंगउ । ३. MB णरयखेत्ति। ४. MBP उद्धखासु ।
५. BP अणुमीलणकालु । ६. MBP सारीरिउ । १६. १. MBP कुतासणि । २. MBPK कप्पण, but GT कंपण । ३. MP परिणवइ ।
Jain Education International
For Private & Personal Use Only
www.jainelibrary.org
