________________
महापुराण
[५.४.१
रचिता-णियगुणरयणप्पियरकरमंजरिधवलियणिवइवंसओ।
विसरिससेकयसाहिसाहासिउ वडइ रायहंसओ ॥१॥ गोमकरणचूलाकरणाइउ सव्वु वि कयउ विसेसविराइउ । जणणीजोवणफर्लंगोंछो इव विहलियलोय कप्पवच्छो इव । सुहिवयणामयबिंदुपवेसु व मित्तचित्तसंगहणणिवेसु व । गुणसंसापयासमग्गो इव
रोयसोयउज्झिउ सग्गो इव । पिउसहावसंचउ रूढो इव बंधुणेहबंधणवेढो इव । किंकरयणमँणचिंतामणि विव अरिमहिहरसिरसोदामणि विव । णिहिलणायसब्भावणिही विव हरणकरणउद्धरणविही विव । भारसोढु गरुययरे मही विव - भूरिभोयभारिल्लु अही विव । दुणिहालउ मज्झण्णरवी विव वजदेहु जंभारिपवी विव । लायण्णंबुपवाहसरो इव
विलयावंदहुँ कुसुमसरो इव । घत्ता-सिरि उरयलि महि असिदलि मुई जयसिरि जयकारिणि ।
जसु णिवसइ मुहि सरसइ कित्ति तिलोयविहारिणि ।।४।।
रचिता-गिरिसरिकलसकुलिसकमलंकुसविसझसलक्खणाहिओ।
सुरणरखयररमणिवीणारवगाइयजसपसाहिओ ॥१॥ णं सोहागपुंजु णिव्वडियउ णाई पया विहिणा घडियउ। जलिवि जलिवि उल्हाइ ण जीवइ जासु भएण णाई सिहि णीवइ । अइपमत्तु पुणरवि णासंघइ जडसंगु वि मज्जाय ण लंघइ । पालियवेलउ जसु मयरालउ जासु भएण जि थिउ जै कालउ । णायराउ खुल्लउ कीडुल्लउ
चंदु वि जायउ चंदगहिल्लउ । पक्खि पक्खि सो दीसइ भग्गउ पवणु वि गमणब्भासहु लग्गउ । इंदु वि इंधणुहु गुणिं णाणइ अज्ज वि तं तेहउ जणु जाणइ । णियकरि पहरणु कहिं मि ण दावइ विणएण जि णवंतु घर आवइ । घत्ता-अलिउलचल चुयमयजल महिहरभित्तिबियारण ।।
अविहियसर कुंचियकर जसु तसंति दिसिवारण ।।५।।
४. १. M सुकयं । २. MBP णामकरणु। ३. P चूडा। ४. MRP 'गुंछो। ५. P विहसियं ।
६. MB बुहवयणामय; P बुहणयणामयं । ७. MBP धणं । ८. P°सिरि । ९. MBP गरुययरु ।
१०. MBP भुयजुइ । ५. १. B पमुत्तु । २. MBP व । ३. MP जमु । ४. M इंदधणुहि गुण; BP गुणु । ५. MBP
दिसवारण ।
Jain Education International
For Private & Personal Use Only
www.jainelibrary.org
