Page Text
________________
महापुराण
[४. १३.१
जंभेट्टिया-विरइयठाणउ संधियबाणउ ।
उग्गयरोमउ विलसइ कामउ ॥१॥ अमुणंतियाइ पुरिमिल्लु भाउ . हा कि रईइ पयडियउ राउ । हा वम्मह तुहुं मि णिवारिओ सि हा हे वसंत किं पेरिओ सि । किं वग्गहु लग्गहु अज्जु ईसि णिवडेसहु केइहिं वि तवहुयासि । णं गजिउ दुंदुहि भणइ एम्व किं तुज्झु वि रिउ देवाहिदेव । फणिसुरणरखयरकउच्छवेण विरसंततूरजयजयरवेण । संचल्लिउ परिणहुँ जिणकुमारु आवंतहु तहु तहिं धरिउ दारु । णं संसारहु घोसिउ णिसेहु . हा किं तुहुँ परिणहि चरमदेहु । तहि देवि णिवंधु चैवेवि चारु · भवणंति पइट्ठउ भुवणसारु । फेडिउ मुहवडु णं मेहपडलु दिट्ठउ मुहु णं छणयंदु विमलु । कंपिउ कुंअरिहिं णववरभएण करु धरिउ णाई तिलरिणकएण कच्छाहिवेण भिंगारु लेवि पालिज्जसु धवलच्छिउ भणेवि । घत्ता-जं पाणिउं छूढउं तासु करे विविहासासाहंचियउ॥
णं तेण मणालवालणिलउ मोहमहातरु सिंचियउ॥१३॥
जंभेट्टिया-कयसियसेविहे जसवइदेविहे।
वरहु अणिंदहे अवि य सुणंदहे ॥१॥ णयणेसु णयण लग्गा तिरिच्छ मच्छेहिं णाई पडिखलिय मच्छ । पियणेहाऊरिय वित्थरंति
णावइ सुइसुसिरहिं पइसरंति । चित्ताई चित्ति मिलियाई केम गयवर णइसलिलई सलिलि जेम । कमणीयकामिणीबद्धणेहि णियतणुपडिबिंबउ दइयदेहि । दिउ पडिवक्खासंकियाहिं तं कह व कह व वुज्झिउ पियाहिं । एक्केणुच्चाइय एक तरुणि
वीएण भएण दुइज घरिणि । बेण्णि वि लेप्पिणु णीसरिउ णाहु णं कप्परुक्खु वेल्लीसणाहु ।
औसीससयहिं संथुव्वमाणु वेइयमणिवट्टि जगेक्कभाणु । उक्कोइयकामरसोल्लियाहिं
आसीणउ सामउं वहुल्लियाहिं । घत्ता-वइसाणरु जासु गहेहिं सहुँ पणवइ पय महियलि घुलइ ॥
सो वरइत्तु जि कुलसंतियरु होमें धूमु जि संभवइ ॥१४॥ १३. १. MB तुहु वि णिवारिओ । २. MBPT कइयवि । ३. MBP विलसंत; K विरसंतु । ४. MBP
वारु। ५. MB चरेवि । ६. P छणइंदु । ७. MB कुवरिहिं; P कुमरिहिं । ८. MB मुणालवाल । १४. १. MB पडिबिबिउ । २. MBP आसीसएहिं । ३. M सोमें । ४. MBP संगिलइ ।
Jain Education International
For Private & Personal Use Only
www.jainelibrary.org
| SR No. | 002722 |
| Book Title | Mahapurana Part 1 |
| Original Sutra Author | Pushpadant |
| Author | P L Vaidya |
| Publisher | Bharatiya Gyanpith |
| Publication Year | 1979 |
| Total Pages | 560 |
| Language | Hindi, Apbhramsa |
| Classification | Book_Devnagari & Mythology |
| File Size | 11 MB |