________________
महापुराण
[३.१५.१
१५
णिम्मलहु जि पहाणु विराइयउ मंगलह जि मंगल गाइयउ । परमेट्ठिहि जाणियसंवरहो कि अंबरु दिण्णु णिरंबरहो। किं भूसणु भूसणि संणिहिउ किं जंगमंडणि मंडणु लिहिउ । पविसूइइ ववगयभवरिणहो विधेप्पिणु सवणजुयलु जिणहो । विच्छूढई मणिमयकुंडलई णं ससहरदिणयरमंडलइं। चयलब्भपिसायहु णट्ठाई
णाहेयहु सरणु पइट्ठाई। किं कोसिएण जगसेहरहो सिरि सेहरु बद्धउ मणहरहो। गलरेहाजित वलियएण
हेहामुहेण परिघुलियएण । हियउल्लउ हारें सेवियउ
जडजाएं किं पि ण भौवियउ । घत्ता-जो सालंकारु किमलंकारु सुरवर तासु करंति ।
महु हियवइ भंति णउ लजति रूवु काई ढंकंति ॥१५।।
किं बुद्धि ण हई सुरयणहो । मणिबंध महग्घउ कंकणहो। कडिसुत्तउ कडियलि वलइयउ किंकिणिसरु चवइ व पुलइयउ। किं सीहणियंबहु एह सिरि लइ अच्छइ तं सेवंतु गिरि । कमजुइ संणिहियउ झणझणइ मंजीरजुयलु इय णं भणइ । जं भव्वजीवसंतइसरणु
संसारमहाजलणिहितरणु । कोमलसरलंगुलिदलकमलु णहकिरणपसरहयतिमिरमलु । मई लद्धउ जिणवरपयजुयलु महु जायेउ भूसणत्तु सहलु । जं करणकालि सिहितावियउ तं तवहलु णं विहिदावियउ । घत्ता-सुरसायरतोउ णाहविओउ ण सहइ विरइयण्हाणु ।
मंदरगिरिगुज्झि महिरुहमज्झि णं घल्लइ अप्पाणु ।।१६।।
दूराउ वहंतु णियच्छियउ सीसेणे सुरेहिं पडिच्छियउ। वंदिजइ जिणतणु पेरिलु ढिउ कक्करकंदरणिवंडणि सुढिउ । णिजइ देवेहिं करेण करु
गुरुसंगें को णउ होइ गुरु । पंकयकेसररयधूसरिउ
कैस्सीरयराएं पिंजरिउ । वणकुंजरकुंभत्थलखलिउ
करडयलगलियमयपरिमलिउ । संचलियसिलिम्महचित्तलिउ णाणामणिकिरणहिं संवलिउ।
परिघोलइ सिहरिंदहु तणउं णं पंचवण्णु उप्परियणउं । १५. १. P जगमंडणु मंडणि । २. P विधेविण । ३. MBP जाणियउ । ४. EP ढक्कंति । १६. १. P सिंह । २. M भूसणत्तु जायउ । ३. P महिहर। १७. १. P सीसेहिं । २. MBP परिढुलिउ । ३. K°णिवडणसुढिउ । ४. P करेहिं । ५. PT कासीरयं ।
६. MBP सिलीमुह ।
Jain Education International
For Private & Personal Use Only
www.jainelibrary.org
