Mahapurana Part 1

SR No.: 002722
Original Sutra Author: Pushpadant
Author: P L Vaidya
Publisher: Bharatiya Gyanpith
Publication Year: 1979
Total Pages: 560
Language: Hindi, Apbhramsa
Classification: Book_Devnagari & Mythology
File Size: 11 MB

Page 138

[३.५.३३
महापुराण घत्ता-इय जोइवि मुद्ध पुणु पडिबुद्ध सिविणइ जं जिह दिछु ।
उझ्यइ पच्चूहे अरुणमऊहे रायहु तं तिह" सिटठु ॥५॥
ता णरवइ णारीसारियहे अक्खइ मरुएविभडारियहे। दिटेण गइंदें गुरुहुँ गुरु
होसइ णंदणु पयपणयसुरु । गोणाहें गोमंडलु धरइ
सीहेण सविक्कमु वित्थरइ । सिरिदंसणि लहइ तिलोयसिरि दामेण वि जाणहि पुरिसहरि । पावइ पविहररइयञ्चणउं
जं दिट्ठउ पई मयलंछणउ । तं होसइ सुउ जणमणहरणु जं पुणु वि पलोइउ खरकिरणु । तं मोहंधारविणासयरु
भव्वयणणलिणवणदिवसयरु । झसजुयले होही सोक्खणिहि । कुंभेहिं वि सुरअहिसेयविहि । कमलायरसायरेहि बिहिं मि गुणवंतु गहिरु भुवणहं तिहिं मि । सिंहासणेण पंचमिय गइ
पावेसइ दसणसुद्धमइ। दिडेहिं तियसणायहं घरेहि सेवेवउ देविहिं विसहरेहिं । रयणोहें जिणसंपत्तिफलु
णिडुहइ हुयासें कम्ममलु । घत्ता-सिविणयफलु अज्जु णिरु णिरवज्जु कह मि ण रक्खमि गुज्झु ॥
जगलग्गणखंभु धम्मारंभु होसइ णंदणु तुज्झु ॥६॥
७
ता तम्मि पत्तम्मि तइयम्मि कालम्मि णक्खत्तसोहंतगयणंतरालम्मि । कप्पदुमच्छेयपयणियवियारम्मि ससिबिंबरविबिंबधत्थंधयारम्मि । अवसप्पिणीसप्पिणीसंपवेसम्मि णरभोयपब्भारसुहभरियगासम्मि । मायामहामोहबंधणइं लुंचेवि साराई पउराई पुण्णाइं संचेवि । सोलह वि तवभावणाओ पहावेवि जगणमियतित्थयरणामं समजेवि । इंदियई जिंदियई णिग्घिणई भंजेवि । तेत्तीसजलणिहिसमाणाउ भुजेवि । जम्मंतराबद्धसुकियपहावेण हिमहारणीहारसियवसहरूवेण । आसाढमासम्मि किण्ह म्मि वीयम्मि संपत्तए उत्तरासाढरिक्खम्मि । सव्वत्थसिद्धीविमाणाउ ओयरइ परमेसरो जणणिगन्भम्मि संचरइ । सरयब्भमज्झम्मि रुइरुदेइंदु व्व सयवत्तिणीपत्तए तोयबिंदु व्व । आया सुरा गब्भवासं णमंसेवि सग्गं गया रायदेविं पसंसेवि । तव्वासराए व देवाहिवाणाइ रैक्खिदणाइंदपालिजमाणाइ । जक्खेण माणिकवुट्ठी कया ताम मासेहिं तिहिं हीणु संवच्छरो जाम । घत्ता-उयरत्थु अवाहु वड्डइ णाहु तणुकिरणई पसरति ।
मरुदेविहि देहे णं णवमेहे णवरवियर णिग्गंति ॥७॥
१४. B तिहे। ६. १. M पुलोइउ; P पलोयउ । २. MB सेवेन्वउ । ७. १. B सुक्कयं । २. M रुंदयंदु व्व; T °इंदु व्व । ३. MBP रायदेवी । ४. MBP जक्खिद,
but T रक्खिद राक्षसेन्द्राः ।