________________
.३६
महापुराण.
[२.१३.१
विसकालिंदिकालणवजलहरपिहियणहंतरालओ। धुर्यगयगंडमंडलुड्डावियचलमत्तालिमेलओ॥ अविरलमुसलसरिसथिरधारावरिसभरंतभूयलो । हयरवियरपयावपसरुग्गयतरुतणणीलसद्दलो॥ पडुतडिवडणपडियवियडायलरुंजियसीहदारुणो। णञ्चियमत्तमोरगलकलरवपरियसयलकाणणो ।। गिरिसरिदरिसरंतसरसरभयवाणरमुक्कणीसणो। महियलघुलियमिलियदुंदुहसयवयसालूरपोसणो॥ घणचिखल्लखोल्लखणिखेड्यहरिणसिलिंबकयवहो। वियसियणवलंबकुसुमुग्गयरयपिंजरिय दिसिवहो॥ सुरवइचावतोरणालंकियघणकरिभरियणहहरो। विवरमुहोयरंतजलपवहारोसियसविसविसहरो॥ पियपियपियलवंतबप्पीहयमग्गियतोयबिंदुओ। सरतीरुल्ललंतहंसावलिझुणिहलबोलसंजुओ॥ चंपयचूयचारचंवचंदणचिंचिणिपीणियाउसो। वुट्ठो झत्ति जस्स कालम्मि जए सुयारि पाउसो॥ मुग्गकुलत्थकंगुजवकलवतिलेसीवीहिमासया। फलभरणवियकणिसकणलंपडणिवडियसुयसहासया ॥ ववगयभोयभूमिभवभूरुह सिरिणरवइरमासही।
जाया ''विविधण्णदुमवेल्लीगुम्मपसाहणा मही । घत्ता-तं पेक्खिवि" जणवउ संचलिउ मउ मेल्लेप्पिणु झत्ति तहिं ॥
लच्छीथणपेल्लियवच्छयलु अच्छइ णाहिणरिंदु जहिं ॥१३॥
किं तडयडइ पडइ फोडइ धर विप्फुरंतु णिरु भेसावर णर। वंकउं हरियारुणु किं दीसइ देव देव किं गज्जइ वरिसइ । गयकप्पदुम तेत्थु णिसण्णा एवहिं अवर के वि उप्पण्णा । अण्णइं कणभरियई णिप्फण्णइं णिञ्चमेव खगमृगसंचिण्णई। अम्हई जड उवायअवियाणा दीहरभुक्खायासें रीणा। भोज्जाभोज्जु तेत्थु किं होसइ तं णिसुणेप्पिणु महिवइ घोसइ । जो रसंतु वरिसइ सो णेवघणु जं वकउं दीसइ तं सुरधणु ।
जा गिरि दलइ चलइ सा विज्जुल चंचरीयचुंबियकोमलदल । १३. १. MBP विसि and gloss in P सर्पः । २. P धुव । ३. P तडिपडण । ४. M डिंडुह; P
डेंडुह; B डुडुह । ५. MBP°चिक्खिल्ल' । ६. MBP °कयंब । ७. MBP °वव्वीहयं । ८. P
विंदओ । ९. MBP°वं । १०. MBP सुयसमासया । ११. M°वण्ण । १२. MBP पेच्छिवि । १४. १. MBP °मिग । २. MB सिवघणु ।
Jain Education International
For Private & Personal Use Only
www.jainelibrary.org |
