________________
संधि २
पणिवाउ करेवि पसण्णमणु भत्तिरायरहसुच्छलिउ ॥ सो णरवइ सहुं णियपरियणिण पासु जिणिदहु संचलिउ ।। ध्रुवकं ॥
पहयाणंदभेरि बलु चल्लित पुरणारीयणु हैरिसुप्पेल्लिउ । भाविणि का वि देवंगुणभाविणी चलिय से कमलहत्थ णं गोमिणि । का वि सचंदण सहइ महासइ . णं मलयइरिणियंववणासइ। कुवलउ का वि लेइ जसधारिणि । णं वररायवित्ति रिउदारिणि । रुप्पयथालु का वि घुसिणालउ । ससिबिंबु व संझारायालउ । पवरकसणगंधोहकरंबउ
उवरज्जंतु व वरविबिंबउ । कणयवत्तु काइ वि करि धरियउ इंदणीलमउ मोत्तियभरियउ । णावइ णहयलु उडविप्फुरियउ गुरुचरणारविंदु संभरियउ। का वि ससंख समुहसही विव का वि सकलस णिहाणमही विव । का वि सदप्पण वेसावित्ति व का वि सरस कइकव्वपउत्ति व । का वि जिणिंदभत्तिपन्भारें णञ्चइ भरहभाववित्थारें। काहि वि विट्ठउ पयडु थणत्थलु णाई णिरंगकुंभिकुंभत्थलु। मयणंकुसवणरेहारुणियउ
समवंतेण पिएंण ण गणियउ । काहि वि घुलई हारु मणिमंडिउ णावइ कामें पासउ मंडिउ । झल्लरिपडहमुइंगसहासहिं वजंतहिं जयजयणिग्घोसहि । पत्ता-आरूढउ° महिवइ मत्तगइ मयजलघुलियचलालिगणे ॥
णं महिहरि केसरि खरणहरु पवणुल्ल लियतमालवणे ॥१॥
२ चोइउ कुंजरु कमसंचारें गंडालीणभमरझंकारें। चामरचवले छत्तंधारे
गच्छमाणु सेहुं णियपरिवार। पत्तु गरेसरु तियसरवण्णउं दिवउ समवसरणु वित्थिण्णउं । णिम्मिउं सई सोहम्मपहाणे ठियउ एकजोयणपरिमाणे । माणखंभमणितोरणदामहिं कप्पियकप्पपायवारामहि । जलखाइयधूलीपायारहिं
तियससरासणवण्णवियारहिं । १. १. M पणवाउ। २. MB °रयसु। ३. MBP रहसुप्पेल्लिउ । ४. MBP देवगुरुभाविणी ।
५. MBP सहत्थकमल । ६. Pणं रवि । ७. MBP वणियउ । ८. BP पिएण व । ९. MBP
घुलिय । १०. MBP आरूढ महीवइ । २. १. M छत्तें धारें; P छत्ताधारें। २. P णिय सह परिवारें।
Jain Education International
For Private & Personal Use Only
www.jainelibrary.org
