________________
४६
आचार्य श्रीवधर्मनासूरिरचिते स्वोपज्ञटीकासहिते धर्मरत्नकरण्डके
अट्ठारससीलंगाणधारया सयलगुणगणाइन्ना। जे केइ तीयणागय-संपइकालाणुगा मुणओ ॥११९॥ ते भगचंते तेल्लोक-पूयठाणंगए महासत्ते । मणसा वयसा काए-ण वंदिमो परमविणएणं ॥१२०॥ तहा-जिण-सिद्ध-केवलीणं, मणपज्जवनाणि-ओहिनाणीणं । गणहर-पत्तेयाणं, सयंसंबुद्धाण नाणीणं ॥१२॥ चोदसपुवीण तहा, दसपुवीण य तहन्नसूरीणं । आगमववहारीणं, पुरओ भत्तीए विणएणं ॥१२२॥ नाणंमि दंसणंमि य, चरणमि तवंमि जे उ अइयारा । तेऽहं आलोएमी, मणसा वयसा य काएण ॥१२३॥ काले विणए य तहा, बहुमाणुवहाण तह अनिन्हवणे । जं मे वितहमणुठियं, तं निंदे तं च गरिहामि ॥१२४॥ वंजण-अत्थे तह तदु-भए य तह सुयहाण किइकम्मे । जं किंचि मया एत्थं, वितहारियं तयं निंदे ॥१२५॥ संका कंखा वितिगिच्छा, पसंस तह संथवो कुलिंगीण । सम्मत्तस्सइयारे, जे उ कए निंदिमो ते उ ॥१२६॥ उववूहा जन्न कया, मुणीण तह दुत्थियाण थिरकरणं । जिणधम्मे वच्छल्लं, बालगिलाणाइविसयं तु ॥१२७।। भत्तीए जन्न कया, पभावणा पवयणमि जइणंमि । तिविहं तिविहेण य, तयं निंदामि इमाण पञ्चक्खं ॥१२८॥ पाणिवह-मुसावाए, अदत्त-मेहुण-परिग्गहे चेव । विरईए जं वितहं, कयं ति तं निंदिमो इण्डिं ॥१२९॥ इंदिय-कसाय-जोगे, पडुच्च जं वितहसेवियं किंचि । तं एयाणं पुरओ, तिविहेणं निंदिमो एस ॥१३०॥ बारसभेयंमि तवे, अइयारो बायरो य सुहुमो वा। तं एयाणं पुरओ, तिविहं तिविहेण निंदामि ।।१३१।। खामेमि सव्व जीवे, सब्वे जीवा खमंतु मे । मेत्ति मे सव्वभूएसु, वेरं मज्झं न केणइ ॥१३२॥
Jain Education International
For Private & Personal Use Only
www.jainelibrary.org
