________________
३४
आचार्यश्रीवर्धमानसूरिरचिते स्वोपज्ञकासहिते धर्मरत्नकरण्डके
सोहणदिणे य सोहग्ग-मंतविन्नासपुन्वयमवस्सं । मयणहलकंकणं कर-यलाओ विवस्स अवणेज्जा ॥३२॥ जिणबिंबस्स य विसये, नियनियठाणेसु सव्वमुद्दाओ। गुरुणा उवउत्तेणं, पउंजियवाओ ता य इमा ॥३३॥ जिणमुद्द' कलस' परमेट्टि', अंग अंजलि तहासणा चक्का । सुरही पवयण गरुडा', सोहम्ग कयंजली२ चेव ॥३४॥ जिणमुद्दाए चउकलस-ठावणं तह करेह थिरकरणं । अहिवासमंतनसणं, आसणमुद्दाए अन्ने उ ॥३५॥ कलसाए कलसण्हवणं, परमेट्टीए उ आहवणमंतं । अंगाए समालभणं, अंजलिणा पुप्फरुहणाइ ॥३६॥ आसणयाए पट्टस्स, पूयणं अंगफुसणं [च] चक्काए । सुरहीए अमयमुत्ती, पवयणमुद्दाए पडिबोहो ॥३७॥ गरुडाए दुट्टरक्खा, सोहग्गाए य मंतसोहग्गं । तह अंजलीए देसण-मुद्दाहीं कुणह कज्जाइं ॥३८॥ चोएइ एत्थ कोइ, जह किर सामाइयंमि किं गुरुणो । जुत्तो ठियस्स एसो, सावज्जो विहिसमारंभो? ॥३९॥ कायवहचरणभंसा, तंमि जओ तस्स नियमओ टुति । जायइ य अविस्सासो, गुरूवएसेसु सीसाणं ॥४०॥ भन्नइ एत्थ समाही, कह वि जइ होइ कोइ कायवहो । तह वि हु गुरुवयणाओ, आयरणाओ य नो दुट्ठो ॥४१॥ विहिवयणं च पमाणं, सुत्तुत्तं जेण ठावणा गुरुणा । कज्जा जिणबिंबाणं, तं सविसयं हवइ करणे ॥४२॥ अन्नह निन्विसयत्तं, पावेइ तयं तु तेण सो जुत्तो। तइया तह गुरुठवणे, विंबस्स उ गउरवाइगुणा ॥४३॥ अन्नं च सुत्तविहिणा, संभवजयणाए विवठवणाए । नो कायवहाईया, दोसा जिणभवणकहणे व्व ॥४४॥ जिणभवणबिंबपूया-इयं च न विणा गुरुं गिही मुणई । न य तत्थ न कायवहो, गुरुणो दोसो य न य वुत्तो ॥४५॥
Jain Education International
For Private & Personal Use Only
www.jainelibrary.org
