________________
१३६
आचार्य श्रीवर्धमानसूरिरचिते स्वोपज़टीकासहिते धर्मरत्नकरण्डके
ननु सम्यग्दर्शनेन किं कार्य ? चारित्रधर्म एव श्रेयानिति यो ब्रूयात्तस्य दूषणमाह
तद्भावादुत्तरो धर्म:, साधुश्रावकलक्षणः । तस्मान्मिथ्यादृशः पापा:, साधुनिह्नवकारिणः ॥८१॥
तद्भावाद्दर्शनलाभभावादुत्तरो देशविरतिसर्वविरतिलक्षणो धर्मो दुर्गतिनिपतजन्तुजातधरणप्रवणो जीवपरिणाम:, यत:
दुर्गतिप्रसृतान् जन्तून्, यस्माद्धारयते ततः । धत्ते चैतान् शुभे स्थाने, तस्माद्धर्म इति स्मृतः ॥१॥
साधुश्रावकलक्षणो गृहियतिस्वरूप: तस्मान्मिथ्यादृशो विपरीतदृष्टयो न सन्ति दुष्षमायां साधव इति वादिनः ॥८१॥ यत:
न विना साधुभिस्तीर्थं नाऽतीर्थे साधुसम्भवः । समं सत्ता तयोर्गीता, सर्वज्ञैः सर्वदर्शिभिः ॥८२॥
न विना न ऋते साधुभिर्मुनिभिस्तीर्थं संसारसागरसन्तरणतरण्डकल्पं, न च नैवातीर्थे जिनान्तरादौ साधुसम्भव: साधुसत्ता, सममेककालं सत्ता विद्यमानता तयो:साधुतीर्थयोर्गीता प्रतिपादिता, कैः? सर्वजैः सर्ववस्तुस्तोमविशेषवेदिभि: सर्वदर्शिभि: समस्तवस्तुसामान्यावलोकिभिः ॥८२॥
ननु भवतु शुभकाले सुषमासुषमादावुभयसत्ता, साम्प्रतं श्रावकैरेव तीर्थ यातीति यो मन्येत तन्मतं निरस्यन् श्लोकमाह
अद्यापि दुःषमाकाले, यावदुष्प्रसहप्रभुः । तावच्चरणसत्तापि, भगवद्वाक्यत: स्थिता ॥८३॥
अद्याप्यधुनापि दु:षमाकाले कालचक्रस्य पञ्चमेऽरके कियन्तं कालं यावदिति परिमाणार्थः दुष्प्रसहो दुष्प्रसहाभिधान: प्रभु:सूरिस्तावदिति तावन्तं कालं चरणसत्तापि चारित्रसम्भवोऽपि भगवद्वाक्यत: श्रीमन्महावीरवर्धमानस्वामिवचनात्स्थिता प्रतिष्ठिता॥१॥ उक्तं च-दुप्पसहंतं चरणं, जं भणियं भगवया इहं तित्थे।
आणाजुत्ताण इमं, न होइ अहुणत्ति वामोहो ॥१॥ [उपदेशपद ८०९]
Jain Education International
For Private & Personal Use Only
www.jainelibrary.org
