Page Text
________________
सुवण्णगारो बोल्लेइ -- “भो मित्त ! पुत्ताणे वीसासं करिऊण सव्वं धणमप्पिअं, तेण दुहिओ जाओ तत्थ किं चोज्जं ? सहत्थेण कम्मं कयं तं अप्पणा भोत्तव्वं चिअ।” तह वि मित्तत्तेण सो एवं उवायं दंसेइ – “तुमए पुत्ताणं एवं कहिअव्वं— ‘मम मित्तसुवण्णगारस्स गेहे रुप्पयदीणार भूसणेहिं भरिया एगा मंजूसा मए मुक्का अत्थि, अज्ज जाव तुम्हाणं न कहिअं, अहु जराजिणो हं, तेण सद्धम्मकम्मणा सत्तक्खेत्ताईसुं लच्छीए विणिओगं काऊण परलोगपाहेयं गिण्हिस्सं ।' एवं कहिऊण पुत्तेहिं एसा मंजूसा रत्तीए गेहे आणावियव्वा । मंजूसाए मज्झे तं रुप्पासयं मोइस्सं तं तु मज्झरत्तीए पुणो पुणो तुमए सयं च सहस्सं च रणरणयारपुव्वं गणेयव्वं, जेण पुत्ता मन्निस्संति— ‘अज्जावि बहुधणं पिउणो समीवे अत्थि ।' तओ धणासाए ते पुव्वमिव भत्तिं करिस्संते। पुत्तवहूओ वि तहेव सक्कारं काहिंति । तुम सव्वेसिं कहियव्वं - 'इमीए मंजूसाए बहुधणमत्थि । पुत्तपुत्तवहूणं नामाई लिहिऊण ठवियमत्थि । तं तु मम मरणंते तुम्हेहिं नियनियनाम-वारेण गहिअव्वं ।' धम्मकरणत्थं पुत्तेहिंतो धणं गिण्हिऊण सद्धम्मकरणे वावरियव्वं । मम रुप्पगसयं पि तुमए न विस्सारियव्वं, एवं अवसरे दायव्वं । "
सोथेरो मित्तस्स बुद्धी तुट्ठो गेहे गच्चा रत्तीए पुत्तेहिं मंजूस आणाविऊण रत्तीए तं रुप्पगसयं सयं-सहस्स - दससहस्साइगुणणेण तं चिय गणिति । पुत्ता वि विआरिंति — पिउस्स पासे बहुधणमत्थि, ते वहूणं पि कर्हिति । सव्वे ते थेरं बहु सक्कारिंति सम्मार्णिति य अईवनिब्बंधेण तं पुत्तवहूआ वि अहमहमिगयाए भोयणाय निति, साउं सरसं भोयणं दिति, तस्स वत्थाई पि सएव पक्खालिंति, परिहाणाय धुविआई वत्थाई अप्पिंति । एवं वुड्ढस्स सुहेण कालो गच्छइ ।
• एगया आसन्नमरणो सो पुत्ताणं कहेइ — “मज्झ धम्मकरणेच्छा वट्टर, . तेण 'सत्तखेत्तेसुं किंचि वि धणं दाउमिच्छामि । ” पुत्तावि मंजूसा-गयधणासाए अप्पिति । सो वुड्ढो जिण्णमंदिरुवस्सयसुपत्ताईसुं जहसत्तीए देइ । अप्पणो परममित्तंसुवण्णगारस्स वि नियहत्थेण रुप्पयसयं पच्चप्पेइ, एवं सद्धम्मकम्मंमि धणव्वयं किच्चा, मरणकालंमि पुत्ताणं पुत्तवहूणं च बोल्लाविऊण कहिअं— “इमीए मंजूसाए सव्वेसिं नामग्गहणपुव्वयं धणं मुत्तमत्थि । तं तु मम मरणकिच्चं काऊण पच्छा जहनामं तुम्हेहिं गहिअव्वं" ति कहिऊण समाहिणा सो वुड्ढो कालं पत्तो । पुत्ता वि तस्स मच्चुकित्वं किच्चा नाइजणं पि जेमाविऊण बहुधणासाइ जया सव्वे
1
Jain Education International
प्राकृत गद्य-पद्य सौरभ भाग - 2
For Personal & Private Use Only
69
www.jainelibrary.org
| SR No. | 002692 |
| Book Title | Prakrit Gadya Padya Saurabh Part 2 |
| Original Sutra Author | N/A |
| Author | Kamalchand Sogani |
| Publisher | Apbhramsa Sahitya Academy |
| Publication Year | 2005 |
| Total Pages | 192 |
| Language | Prakrit, Hindi |
| Classification | Book_Devnagari & Literature |
| File Size | 8 MB |