________________
पाठ - 12 पुत्तेहिं पराभविअस्स पिउस्स कहा' जाव दव्वं विइण्णं न पुत्ता ताव वसंवया। पत्ते दव्वे य सच्छंदा हवंति दुक्खदायगा॥
..
कंमि नयरे एगवुड्ढस्स चत्तारि पुत्ता संति। सो थविरो सव्वे पुत्ते परिणाविऊण नियवित्तस्स चउब्भागं किच्चा पुत्ताणं अप्पियं। सो धम्माराहणतप्परो निच्चितो कालं गमेइ। कालंतरे ते पुत्ता इत्थीणं वेमणस्सभावेण भिन्नघरा संजाआ। वुड्ढस्स पइदिणं पइघरं भोयणाय वारगो निबद्धो। पढमदिणंमि जेट्ठस्स पुत्तस्स गेहे भोयणाय गओ। बीयदिणे बीयपुत्तस्स घरे जाव चउत्थदिणे कणिट्ठस्स पुत्तस्स घरे गओ। एवं तस्स सुहेण कालो गच्छइ।
कालंतरे थेराओ धणस्स अपत्तीए पुत्तवहूहिं सो थेरो अवमाणिज्जइ। पुत्तवहूओ कहिति— “हे ससुर ! अहिलं दिणं घरंमि किं चिट्ठसु ? अम्हाणं मुहाई पासिउं किं ठिओ सि ? थीणं समीवे वसणं पुरिसाणं न जुत्तं, तव लज्जावि न आगच्छेज्जा पुत्ताणं हट्टे गच्छज्जसु।” एवं पुत्तवाहिं अवमाणिओ सो पुत्ताण हट्टे गच्छइ।
तया पुत्तावि कहिंति- “हे वुड्ढ ! किमत्थं एत्थ आगओ ? वुड्ढत्तणे घरे वसणमेव सेयं, तुम्ह दंता वि पडिआ, अक्खितेयं पि गयं, सरीरं वि कंपिरमत्थि, अत्थ ते किंपि पओयणं नत्थि, तम्हा घरे गच्छाहि।" एवं पुत्तेहिं तिरक्करिओ सो घरं गच्छेइ तत्थ पुत्तवहूओ वि तं तिरक्करंति। पुत्तपुत्ता वि तस्स थेरस्स कच्छुट्टियं निक्कासेइरे; कयावि मंसुं दाढियं च करिसिन्ति। एवं सव्वे विविहप्पगारेहिं तं वुड्ढं अवहसिंति। पुत्तवहूओ भोयणे वि रुक्खं अपक्कं च रोट्टगं दिति। एवं पराभविज्जमाणो वुड्ढो चिंतेइ- 'कि करेमि, कहं जीवणं निव्वहिस्सं ?' एवं दुहुमणुभवंतो सो नियमित्तसुवण्णगारस्स समीवे गओ। अप्पणो पराभवदुहं तस्स कहेइ, नित्थरणुवायं च पुच्छइ।
डॉ. राजाराम जैन द्वारा सम्पादित ‘पाइयगज्जसंगहो' (प्राच्य भारती प्रकाशन, आरा) में प्रकाशित कथा।
प्राकृत गद्य-पद्य सौरभ भाग -2
Jain Education International
For Personal & Private Use Only
www.jainelibrary.org
