________________
14. एक्कं चयदि सरीरं अण्णं गिण्हेदि णव-णवं जीवो।
पुणु पुणु अण्णं अण्णं गिण्हदि मुंचेदि बहु-वारं ।।
15. सयलट्ठ-विसय-जोओ बहु-पुण्णस्स वि ण सव्वहा होदि।
तं पुण्णं पि ण कस्स वि सव्वं जेणिच्छिदं लहदि ।
16. सधणो वि होदि णिधणो धण-हीणो तह य ईसरो होदि।
राया वि होदि भिच्चो भिच्चो वि य होदि णर-णाहो॥
17.
सारीरिय-दुक्खादो माणस-दुक्खं हवेइ अइ-पउरं । माणस-दुक्ख-जुदस्स हि विसया वि दुहावहा हुंति॥
18. एवं सुट्ट असारे संसारे दुक्ख-सायरे घोरे।
किं कत्थ वि अत्थि सुहं वियारमाणं सुणिच्छयदो॥
19. इक्को जीवो जायदि एक्को गब्भम्हि गिण्हदे देहं ।
इक्को बाल-जुवाणो इक्को वुढो जरा-गहिओ॥
20. इक्को रोई सोई इक्को तप्पेइ माणसे दुक्खे।
इक्को मरदि वराओ णरय-दुहं सहदि इक्को वि॥
प्राकृत गद्य-पद्य सौरभ
Jain Education International
For Private & Personal Use Only
www.jainelibrary.org
