________________
जिनवल्लभसूरि-ग्रन्थावलि
१९
इय ओहिचक्खुकेवलअचक्खुदंसी कमेण विनेया। थोवा अस्संखगुणा, अणंतगुणिया अणंतगुणा ॥ ६०॥ सुक्का पम्हा तेऊ काऊ नीला य किण्हलेसा य। थोवा दो संखगुणाऽणंतगुणा दो विसेसहिया॥ ६१ ।। थोवा जहन्नजुत्ताऽणंतयतुल्ल त्ति इह अभव्वजिया। तेहिंतोऽणंतगुणा भव्वा निव्वाणगमणरिहा ॥ ६२ ॥ सासणउवसमियमिस्सवेयगक्खइयमिच्छदिट्ठीओ। थोवा दो संखगुणा, असंखगुणिया अणंता दो॥ ६३ ॥ सन्नी थोवा तत्तो, अणंतगुणिया असन्निणो होति। थोवाणाहारजिया, तदसंखगुणा सआहारा ।। ६४॥ मिच्छे सव्वे छ अपज सन्निपजत्तगो य सासाणे। सम्मे दुविहो सन्नी, सेसेसुं सन्निपज्जत्तो॥ ६५ ॥ इय जियठाणा गुणठाणगेसु जोगाइ वोच्छमेत्ताहे। जोगाहारदुगूणा, मिच्छे सासण अविरए य॥ ६६ ॥ उरलविउव्विइमणा, दस मीसे ते विउव्विमीसजुया। देसजए एक्कारस, साहारदुगा पमत्ते ते ॥ ६७॥ एक्कारस अपमत्ते, मणवइआहारउरलवेउव्वा। अप्पुव्वाइसु पंचसु, नव ओरालो मणवई य॥ ६८॥ चरमाइममणवइदुगकम्मुरलदुगंति जोगिणो सत्त। गयजोगो य अजोगी, वोच्छमओ वारसुवओगे॥ ६९ ॥ अच्चखुचक्खुदंसणमन्नाणतिगं च मिच्छसासाणे । अविरयसम्मे देसे, तिनाणदंसणतिगं ति छ उ॥ ७० ॥ मीसे ते चिय मीसा, सत्तपमत्ताइसुं समणनाणा। के वलियनाणदंसणउवओगा जोगजोगीसु॥ ७१ ॥ सासणभावे नाणं, विउव्विगाहारगे उरलमिस्सं । नेगिंदिसु सासाणो त्ति नेहाऽहिगयं सुयमयंपि ॥ ७२ ॥
Jain Education International
For Private & Personal Use Only
www.jainelibrary.org
