________________
२. आगमिकवस्तुविचारसारप्रकरणम्
(षडशीति-नामा चतुर्थः कर्मग्रन्थः)
निच्छिन्नमोहपासं, पसरियविमलोरुकेवलपयासं। पणयजणपूरियासं, पयओ पणमित्तु जिणपासं ॥ १॥ वोच्छामि जीवमग्गणगुणठाणुवओगजोगलेसाई। किंचि सुगुरूवएसा, सन्नाणसुझाणहेउ त्ति ॥ २॥ इह सुहुमबायरेगिंदिबितिचउअसन्निसन्निपंचिंदी। अपजत्ता पजत्ता, कमेण चउदस जियट्ठाणा ॥ ३ ॥ सव्वभणियव्वमूलेसु तेसु गुणठाणगाइ ता भणिमो। पढमगुणा दो बायरबितिचउरअसन्नि अपजत्ते॥ ४॥ सन्नि-अपज्जत्ते मिच्छदिट्ठि-सासाण-अविरया तिन्नि । सव्वे सन्नि पजत्ते, मिच्छं सेसेसु सत्तसु वि॥ ५॥ जोगा छसु अप्पजत्तएसु कम्मइगउरलमिस्सा दो। वेउव्वियमीसजुया, सन्नि अपज्जत्तए तिन्नि॥ ६॥ बिंति अपज्जत्ताण वि, तणुपज्जत्ताण केइ ओरालं। बायरपज्जत्ते तिन्नि, उरल वेउव्वियदुगं च ॥ ७॥ उरलं सुहुमे चउसु य, भासजुयं पनरसावि सन्निम्मि। उवओगा दससु तओ, अचक्खुदंसणमनाणदुगं ॥ ८॥ चक्खुजुया चउरिदियअसन्नि पजत्तएसु ते चउरो। मणनाणचक्खुकेवलदुगरहिया सन्नि अपज्जत्ते ॥ ९॥ सव्वे सन्निसु एत्तो, लेसाओ छावि दुविह सन्निम्मि। चउरो पढमा बायर, अपज्जत्ते तिन्नि सेसेसु॥ १० ॥
Jain Education International
For Private & Personal Use Only
www.jainelibrary.org
