________________
जिनवल्लभसूरि-ग्रन्थावलि
११
समयभवसुहुमअगणी, असंखलोगा तओ असंखगुणा। तेऊ तक्कायठिई, कमसो अणुभागठाणा य॥ १२० ॥ अंतिम-चउफास-दुगंध-पंचवन्न-रसकम्मइगखंधे। अभवियअणंतगुणिए, गेण्हइ तत्तियअणू समए ॥ १२१ ॥ गहणसमए अ जीवो, नियपरिणामेण जणयइ रसाणू। सव्वजियाणंतगुणे, कम्मपएसेसु सव्वेसु ॥ १२२ ।। संखिज्जेगमसंखं, परित्तजुत्तानियपयजुयं तिविहं । एवमणंतं पि तिहा, जहण्णमज्झुक्कसा सव्वे ॥ १२३ ॥ संखेजगं जहण्णं, दोच्चिय मज्झिममओ परं बहुहा। जा उक्कोसं तं पुण, चउपल्लपरूवणाइ इमं ॥ १२४ ॥ जंबूद्दीवपमाणा, चउरो जोयणसहस्समोगाढा। रयणपहरयणकंडं, भिंदिय पुट्ठा वइरकंडं ॥ १२५ ॥ पल्लाऽणवट्ठि यसलागपडिसलागामहासलागक्खा। सव्वे सवेइयंता, उवरि ससिहा य भरियव्वा ॥ १२६ ॥ तो कप्पणाइ केणइ, सुरेण पढमो धरित्तु वामकरे। एक्केकं दीवुदहिसु, सरिसवं खविय णिट्ठविओ॥ १२७॥ दीवे जत्थुदहिम्मि य, तदंतमेव पढमं व तं भरिउं। पुरओ खिव एक्केकं, दीवुदहिसु निट्ठिए तम्मि॥ १२८॥ खिवसु सलागापल्ले, सरिसवमेगं पुणो तदंतं तं । पुव्वं व भरसु खिवसु य, पुरओ पुण तम्मि निट्ठविए । १२९ ॥ बीयं सलागपल्ले खिव सरिसवमेवमेव पुण तइयं । इय पुणरुत्तणवट्ठिय-भरणविरेयणसलागाहिं ॥ १३० ॥ पुण्णो सलायपल्लो, पुव्वकमागयऽणवट्ठिओ य तओ। सोच्चिय सलागपल्लो, उक्खिप्पइ खिप्पइ य पुरओ॥ १३१ ।। पुव्वकमनिट्ठिए तहिमेगं खिव सरिसवं तइयपल्ले। पुव्वं व निट्ठियंते, अणवट्ठियपल्लमेव खिव ॥ १३२ ॥
Jain Education International
For Private & Personal Use Only
www.jainelibrary.org
