________________
सूक्ष्मार्थविचारसारोद्धारप्रकरणम्
सत्तण्हऽण्णयरेण उ, इय फुसणे सुहुमदव्वपरियट्टो। अण्णे चउत्तणुसु कमेणिमेण तं बेंति दुविहं पि॥ १०८॥ लोगपएसोसप्पिणिसमया अणुभागबंधठाणा य। पुट्ठा मरणेण जया, कमुक्कमा बायरो त्ति तया॥ १०९ ॥ पुट्ठाणंतरमरणेण पुण जया ते तया भवे सुहुमे। पोग्गलपरियट्टो खेत्त-कालभावेहिं इय नेओ॥ ११०॥ जोगट्ठाणासेढी, असंखभागे तओ असंखगुणा। पयडीभेया तत्तो, ठिइभेयाणुक्कमेण तओ॥ १११ ॥ ठिइबंधज्झवसाया, तत्तो अणुभागबंधठाणाणि । तोऽणंतगुणा कम्मप्पएस तत्तो य रसछेया ॥ ११२ ॥ खित्तं सुहुमं कालाउ जेण अंगुलपएससेढीए। समयपएसवहारे, असंखओसप्पिणी हुंति ॥ ११३ ।। चउंदसरजू लोगो, बुद्धिकओ होइ सत्तरज्जुघणो। तद्दीहेगपएसा, सेढी पयरो य तव्वग्गो ॥ ११४॥ पयडीउ असंखेज्जा, जं ओहिदुगे वि तारतम्मेणं । अस्संखलोगखपएसपमाणा हुँति किल भेया॥ ११५ ॥ आ जिट्ठठिई हस्सठिईउ समउत्तरा ठिईठाणा। सव्वपयडीसु एवं, सव्वजियाणं पि ठिईभेया॥ ११६ ॥ ठिइठाणे ठिइठाणे, कसायउदया असंखलोगसमा। अणुभागबंधठाणा, इय इक्केक्के कसाउदए॥ ११७ ॥ थोवाणुभागठाणा, जहण्णठिइ पढमबंधहे उम्मि। बीयाइ विसेसहिया, जा चरमाए चरमहेऊ॥ ११८॥ इय असुभाण सुभाण उ, विवरीयं जिट्ठठिइचरमहेऊ।
आरब्भ निज आउसु, ठिइं ठिई पइ असंखगुणा ॥ ११९ ।। १. 'ठीभेया' इति मू०।
२. 'ठीबंध' इति मू० । ३. 'जेठठिईएचरमहेउं' इति मू०।
Jain Education International
For Private & Personal Use Only
www.jainelibrary.org
