________________
जिनवल्लभसूरि-ग्रन्थावलि
कमसो विउव्विआहारतेयभासाणपाणमणकम्मे। इय वग्गणाऽवगाहो, ऊणूणंगुलअसंखंसो॥ ९६ ॥ एगुत्तरा अभव्वाणंतगुणा अंतरेसु अग्गहणा। सव्वहिं जोगजहन्ना, नियणंतंसाऽहिया जिट्ठा ॥ ९७ ॥ जोगणुरूवं गेण्हिय, सुच्चिय दलियं जिओ परिणमेइ। भासाणापाणुमणोचियं च अवलंबए दव्वं ॥ ९८॥ अप्पयरपयडिबंधी, उक्कडजोगी य सन्नि पजत्तो। कुणइ पएसुक्कोसं, जहन्नयं तस्स वच्चासे ॥ ९९ ।। गहियदलियस्स भागो, बहुठिइकम्मेसु होई कमवुड्डो। वेयणिए सव्वोवरि, तस्स फुडत्तं न जेणऽप्पे ॥ १००॥ पयडीण सव्वघाईण, होइ नियजाइदलअणंतंसो। बझंतीण विभज्जइ, सेसं सेसाणमणुसमयं ॥ १०१॥ सम्मत्त-देस-संपुन्न-विरइ-उप्पत्ति-अणविसंजोए। दंसणखवए मोहस्स, समगउवसंतखवगे य॥ १०२ ॥ खीणाइतिसु य संखगुणूणूणंतो' मुहुत्त-कालाउ। गुणसेढी इक्कारस, कमादसंखगुणदलियाउ ॥ १०३ ।। गुणसेढी दलरयणाणुसमयमुदयादसंखगुणणाए। एयगुणा पुण कमसो, असंखगुणनिजरा जीवा ॥ १०४ ॥ पलियासंखंतमुहू, सासणइयरगुण अंतरं हस्सं । मिच्छस्स बे छसट्ठी, इयरगुणे पोग्गलऽद्धंतो॥ १०५ ॥ दव्वे खित्ते काले, भावे चउह दुह बायरो सुहुमो। होइ अणंतुस्सप्पिणिपरिणामो पोग्गलपरट्टो॥ १०६॥ चउतणुमणवइपाणत्तणेण२ परिणमिय मुयइ सव्वअणू। एगजीओ भवभमिरो, जत्तियकालेण सो थूलो ॥ १०७॥
१. 'गुणणं अंतो' इति मूलादर्श ।
२. 'पाणुत्तेणेण' इति मू०।
Jain Education International
For Private & Personal Use Only
www.jainelibrary.org
