________________
सूक्ष्मार्थविचारसारोद्धारप्रकरणम्
सव्वाणुक्कोसठिई, असुभा सा जमइसंकिलेसेणं । इयरा उ विसोहीए, सुरनरतिरियाउए मोत्तुं ॥ ८४ ॥ सुहुमनिगोयाइखणे, जोगो थोवो तओ असंखगुणो। बायर-बियतियचउमणसन्निअपज्जतगजहन्नो ॥ ८५ ॥ पढमदुगुक्कोसो सिं, पज्जत्तजहन्नगेयरो य कमा। असमत्ततसुक्कोसो, पज्जत्तं जहन्न जेठो य॥ ८६ ॥ एवं चिय ठिइठाणा, अपजपजक्कमेण संखगुणा। नवरमसमत्तबिंदियइक्कपए ते असंखगुणा। ८७ ॥ सव्वे वि अपजत्ता, होंति पइक्खणमसंखगुणविरिया। संखगुणूणा सुहुमेसु बायरेसु य असंखगुणा॥ ८८॥ ठिइबंधे ठिइबंधे, अज्झवसाया असंखलोगसमा। कमसो विसेसअहिया, सत्तसु आउसु असंखगुणा ॥ ८९ ।। असुहाण संकिलेसेण होई तिव्वो सुहाण सोहीए। अणुभागो मंदो पुण, विवज्जए सव्वपयडीणं ॥ ९० ॥ सतरस पयडी संजलणविग्घपुंदेसघाइआवरणा। चउठाणरसपरिणया, दुतिचउठाणा उ सेसा उ॥ ९१ ।। पव्वय-भूमी-वालुय-जलरेहासरिससंपराएहिं । चउठाणाइ असुहाण वच्चयाओ सुहाणं तु ॥ ९२ ॥ घोसाडइनिंबुवमो, असुहाण सुहाण खीरखंडुवमो। एगट्ठाणो उ रसो, अणंतगुणिया कमेणियरे ॥ ९३ ॥ निंबुच्छरसाईणं', दुतिचउभागा पुढो कढिजंता। किलर इक्कभागसेसा, दुतिचउठाणा रसा कमसो॥ ९४॥ इगदुगअणुगाइ जा अभव्वणंतगुणसिद्धणंतभागाणू।
खंधा उरलुच्चियवग्गणाउ तह अगहणंतरिया॥ ९५ ॥ १. 'एणं' इति मूलादर्शे।
२. 'किलू' इति मूला० ।
Jain Education International
For Private & Personal Use Only
www.jainelibrary.org
