________________
जिनवल्लभसूरि-ग्रन्थावलि
तह पुव्वकोडी परउ, इगिविगलिंदी न बंधए आउं। आउचउ परमबंधो, पल्लाऽसंखंसममणेसु॥ ७२ ॥ दंसणचउ विग्घावरण लोहसंजलण हस्सठिइबंधो। अंतमुहत्तं ते अट्ठ, जसुच्चे बारस य साए॥ ७३ ॥ दो मासा अद्धद्धं, संजलणतिगे पुमट्ठ वरिसाणि। सेसाणुकोसाउ, मिच्छत्तठिईइ जं लद्धं ॥ ७४॥ एसेगिंदियजिट्ठो, पलियासंखंसहीणलहुबंधो। पणुवीसं पन्नासा, सयं सहस्सं च गुणकारो॥ ७५ ॥ कमसो विगलअसन्नीण पल्लसंखंसऊणओ डहरो। सुरनरयाउ समा दससहस्स सेसाउ खुड्डभवं ॥ ७६ ॥ सहसगुणेगिंदिठिई, विउव्विछक्के जओ असन्निसु तं। केसिंचि सुराउसमं, तित्थं आहारगंतमुहू ॥ ७७॥ भिन्नमुहुत्तमबाहा, सव्वासिं सव्वहिं डहरबंधे । आउसु जेटे वि जओ, संखेप्पद्धा भवइ तेसुं॥ ७८ ॥ खुड्ड भवा साहीया, सत्तरस हवंति एगपाणुम्मि। पाणू एगमुहुत्ते, तिसत्तरा सत्ततीससया ॥ ७९ ॥ पणसट्ठिसहसपणसयछत्तीसा इगमुहुत्त खुड्डु भवा। दो य सया छप्पन्ना, आवलियाणेगखुड्डभवे ॥ ८० ॥ अयरंतकोडाकोडिउ' अहिगो सासाणाइसु न बंधो। हीणो ण अपुव्वंतेसु णेव य अभव्वसन्निमि॥ ८१॥ अमणुक्कोसाउ विरयउक्कोसो देसविरयहस्सियरो। सम्म चउ सन्नि चउरो, ठिइबंधाऽणुकमसंखगुणा ।। ८२ ।। सव्वाण वि पयडीणं, उक्कोसं सन्निणो कुणंति ठिई।
एगिदिया जहन्नं, असन्निखवगा य काणंपि॥ ८३ ।। १. 'अयरंतो कोडाकोडीउ' इति मूलादर्शे। २. 'ठिई' इति मु० ।
Jain Education International
For Private & Personal Use Only
www.jainelibrary.org
