________________
सूक्ष्मार्थविचारसारोद्धारप्रकरणम्
मोहस्सेवोवसमो, खाओवसमो चउण्ह घाईणं । उदयक्खयपरिणामा, अट्ठण्ह वि होंति कम्माणं ॥ ५९॥ सम्माइचउसु तिगचउभावा चउपणुवसामगुवसंते। चउ खीणापुव्वे तिन्नि सेसगुणठाणगेगजिए॥ ६० ॥ धम्माधम्मनभा तिन्नि, दव्वदेसप्पएसओ तिविहा। गइठाणऽवगाहगुणा, अरूविणो कालसमओ य॥ ६१ ॥ सो वत्तणाइलिंगो, रूविअजीवा उ हुँतिमे चउरो। खंधादेसपएसा, केवलअणवो य ते य पुणो।। ६२ ।। वन्नाइगुणा बंधाइकारणं इय अजीवचउ दसगं । सव्वे वि ह परिणामे, भावे खंधा उदइए वि॥ ६३ ॥ मोहे कोडाकोडी, उ सत्तरी वीस नामगोयाणं । तीसयराण चउण्हं, तित्तीसयराइं आउस्स ॥ ६४॥ मोत्तुमकसाय हस्सा, ठिइवेयणियस्स बारसमुहुत्ता। अट्ठट्ठ नामगोयाण, सेसयाणं मुहुत्तंतो ॥ ६५॥ तीसं कोडाकोडी, असायआवरणअंतरायाणं । मिच्छे सत्तरि मित्थीमणुदुगसायाण पन्नरस ॥ ६६॥ संघयणे संठाणे, पढमे दस उवरिमेसु दुगवुड्ढी । चालीस कसाएसुं, अट्ठारस विगलसुहुमतिगे॥ ६७॥ दस दस सुक्किलमहुराण सुरभिनिद्धण्हमिउलहूणं च। अढाइज्जपवुड्डा, ते हालिदंबिलाईणं॥ ६८॥ हासरइपुरिसउच्चे, सुभखगइथिराइछक्कदेवदुगे। दस सेसाणं वीसा, एवइयाबाहवाससया॥ ६९ ॥ अंतो कोडाकोडी, तित्थाहाराण जेट्टठिइबंधो। अंतमुहुत्तमबाहा, इयरो संखेज्जगुणहीणो ॥ ७० ॥ तेत्तीसुदही सुरनारयाउ नरतिरियआउ पल्लतिगं। निरुवकमाण छमासा, अबाह सेसाण भवतंसो॥ ७१ ॥
Jain Education International
For Private & Personal Use Only
www.jainelibrary.org
