________________
जिनवल्लभसूरि-ग्रन्थावलि
धुवबंधोदयसत्ता, सव्वेयरघाइ-सुभ-अपरियत्ता । छद्धावि सपडिवक्खा, चउहविवागा य पयडीओ॥ २३ ॥ धुवबंधा भयकुच्छाकसायमिच्छंतराय आवरणा। वनचउ तेय कम्मा, गुरुलहुनिमिणोवघाया य॥ २४ ॥ बंधंति न इगिविगला, वेउव्वियछक्कदेवनिरयाउं । तिरिया तित्थाहारं, गईतसा नरतिगुच्चं च॥ २५ ॥ नरयसुरसुहुमविगलत्तिगाणि आहारदुगविओव्विदुगं। बंधहि न सुरा सायावथावरेगिंदि नेरइया ॥ २६॥ तिरिनिरयतिगुज्जोयाण सचउपल्लं तिसट्ठमयरसयं । इगि विगलजाइ आयव थावरचउगेसु पणसीयं ॥ २७॥ बत्तीसं सासाऽणंतबंधसेसपणुवीसपयडीणं । नरभवसहियं परमो, पणिंदिसु अबंधकालो सिं॥ २८॥ थीणतिगं दुभगतिगं, अपढमसंघयणखगइसंठाणा । अण नीय नपुंसित्थी, मिच्छंति अ सेसपणुवीसा ॥ २९ ॥ बत्तीसं विजयाइसु, गेविजाईसु तेसु तेसटुं। तमपुढविजुएसु गयस्स तेसु पणसीयमुदहिसयं ॥ ३० ॥ समयादसंखकालं, जा परमो नीयतिरियदुगबंधो। सुरदुगविउव्वियदुगे, तिपल्लमाउसु मुहुत्तंतो॥ ३१॥ तसचउ पणिंदिपरघाउस्सासेसु पणसीयमुदहिसयं । बत्तीसं सुभगतिगुच्चपुरिससुभखगइचउरंसे ॥ ३२॥ उरले असंख पोग्गलपरियट्टा साय पुव्वकोडूणा। तित्तीसयरा नरदुगतित्थुसभउरालुवंगेसु ॥ ३३ ॥ समयादंतमुहुत्तं, सेसाणं तह जहन्नबंधो वि।
तित्थाउसु अंतमुहू, धुवबंधीणं तु भंगतिगं॥ ३४ ॥ १. 'थावरचउसुंतु' इति मू०। २. 'अपढमसंठाणखगइसंघयणं' इति मू०। ३. 'पणसीयमयरसयं' इति मू०।
Jain Education International
For Private & Personal Use Only
www.jainelibrary.org
