________________
N
तसचउ थिरछकं अथिरछक्कं सुहुमतिग थावरचउक्कं । सुभगतिगाइविभासा, पयडीण तदाइसंखाहिं ॥ ११ ॥ गइयाईण य कमसो, चउपणपणतिपणपंचछच्छक्कं । पणदुगपण अट्ठचउदुगमिय उत्तरभेय पणसठ्ठी ॥ १२ ॥ निरयतिरिनरसुरगई, इगि- बिय - ति - चउर - पणिंदिजाईओ । ओरालिय- वेडव्विय - आहारग-तेय - कम्मइया ॥ १३॥ पढमतितणूणुवंगा, बंधणसंघायणा य तणुनाम। सुत्ते सत्तिविसेसो, संघयणमिहऽट्ठिनिचउ त्ति ॥ १४ ॥ छद्धा संघयणं वज्जरसहनाराय - वज्जनारायं । नारायमद्धनाराय-कीलिया तहय छेवट्टं ॥ १५ ॥ समचउरंसं निग्गोहसाइखुज्जाणि वामणं हुंडं । संठाणा वन्ना किण्हनीललोहियहलिसिया ॥ १६ ॥ सुरभिदुरभी रसा पुण, तित्त - कडु - कसाय - अंबिला महुरो' । फासा गुरु लहु - मिउ-खर - सी - उण्ह - सिणिद्ध - रुक्खा ॥ १७ ॥ चउह गइ व्वऽणुपुव्वी, दुविहा य सुहासुहा य विहगगई। गइअणुपुव्वीउ दुगं तिगं तु तं चिय नियाउजुयं ॥ १८॥ इय तेणवई संते, बंधणपन्नरसगेण तिसयं वा । वण्णाइभेय-बंधण-संघाय विणा उ सत्तट्ठी ॥ १९ ॥ सा बंधुदए बंधणसंघाया नियतणुग्गहणगहिया । वण्णाइविगप्पा वि हु न य बंधे सम्ममीसाई ॥ २०॥ वेउव्वाहारोरालियाण सगतेयकम्मजुत्ताणं । नव बंधणाणि इयरदुसहियाणं तिन्नि तेसिं च ॥ २१॥ नीलकसिणं दुगंधं, तित्तं कडुअं गुरुं खरं रुक्खं । सीयं च असुभनवगं, एक्कारसगं सुभं सेसं ॥ २२ ॥
१. 'महुरा' इति मूलादर्शे ।
सूक्ष्मार्थविचारसारोद्धारप्रकरणम्
Jain Education International
For Private & Personal Use Only
www.jainelibrary.org
