________________
४. चतुर्थ परिशिष्ट -
युगप्रधान-जिनदत्तसूरि-रचित जिनवल्लभसूरि-गुणवर्णन सूरिपयं दिन्नमसोगचन्दसूरिहिं चत्तभूरिहिं ।
तेसिं पयं मह पहुणो दिन्नं जिणवल्लहस्स पुणो॥ ८४॥ जिनवल्लभसूरिः
अत्थगिरिमुवगएसु जिणजुगपवरागमेसु कालवसा। सूरम्भिव दिट्ठिहरेण विलसियं मोहसंतमसा ॥ ८५ ॥ संसारचारगाओ निम्विन्नेहिं पि भव्वजीवेहिं । इच्छंतेहि वि मुक्खं दीसइ मुक्खारिहो न पहो ॥ ८६ ।। फुरियं नक्खत्तेहिं महागहेहिं तओ समुल्लसियं। वुड्डी रयणियरेणावि पाविया पत्तपसरेण ॥ ८७ ॥ पासत्थकोसियकुलं पयडीहोउण हंतुमारद्धं । काए काए य विघाए भावि भयं जं न तं गणइ ॥ ८८ ॥ जग्गंति जणा थोवा सपरेसिं निव्वुइं समिच्छंता। पर मत्थर क्खणत्थं सदं सद्दस्स मेलंता॥ ८९ ॥ नाणा सत्थाणि धरंति ते उ जेहिं वियारिऊण परं। मुसणत्थमागयं परिहरंति निजीवमिह काउं ॥ ९० ॥ अविणासियजीवं ते धरंति धम्मं सुवंसनिप्पन्न । मुक्खस्स कारणं भयनिवारणं पत्तनिव्वाणं ॥ ९१ ॥ धरियकिवाणा केई सपरे रक्खंति सुगुरुफरयजुया। पासत्थचोरविसरो वियार भीओ न ते मुसई ॥ ९२ ।। मग्गुम्मग्गा नजति नेय विरलो जणो त्थि मग्गन्नू। थोवा तदुत्तमग्गे लग्गंति न वीससंति घणा ॥ ९३ ॥
Jain Education International
For Private & Personal Use Only
www.jainelibrary.org
