________________
जिनवल्लभसूरि-ग्रन्थावलि
૨૦૭
ललियपयपयारं भूरिदिव्वंगहारं, फुडघणरसभावोदारसिंगारसारं। अणिमिसरमणीजइंसणच्छेयभीया,
इव पणमणमंदा कासि नट्टोवहारं ॥ ६॥ थुणह अजियसंती ते कयासेससंती, कणयरयपिसंगा छज्जए जाण मुत्ती। सरभसपरिरंभारंभिनिव्वाणलच्छीघणथणघुसिणंकुप्पंकपिंगीकयव्व ॥ ७॥
बहुविहणयभंगं वत्थु णिच्चं अणिच्चं, सदसदणभिलप्पालप्पमेगं अगं। इय कुनयविरुद्धं सुप्पसिद्धं च जेसिं,
वयणमवयणिज्जं ते जिणे संभरामि ॥ ८॥ पसरइ तियलोए ताव मोहंऽधयारं, भमइ जयमसन्नं ताव मिच्छत्तछन्नं । फुरइ फुडफलंताणतणाणंसुपूरो, पयडमजियसंती झाणसूरो न जाव॥ ९॥
अरिकरिहरितिण्हुण्हंबुचोराहिवाहीसमरडमरमारीरुद्दखुद्दोवसग्गा। पलयमजियसंतीकित्तणे झत्ति जंती,
निबिडतरतमोहा भक्खरालुंखियव्व ॥ १०॥ निचियदुरियदारुद्दित्तझाणग्गिजालापरिगयमिव गोरं चिंतियं जाण रूवं। कणयनिहसरेहाकंतिचोरं करिजा, चिरथिरमिह लच्छिं गाढसंथंभियव्व ॥ ११॥
अडविनिवडियाणं पत्थिवुत्तासियाणं, जलहिलहरिहीरंताण गुत्तिट्ठियाणं । जलियजलणजालालिंगियाणं च झाणं, जणयइ लहु संतिं संतिनाहाजियाणं ॥ १२॥
Jain Education International
For Private & Personal Use Only
www.jainelibrary.org
