________________
जिनवल्लभसूरि-ग्रन्थावलि
कप्पूरपूरसिंदूर
कणय - कुवलय पियंगुसमवन्ने । दो दो सोलस दो दोय नमह चउवीस जिणनाहो ॥ २ ॥ निवडंतरियं पि अ वंदिअंपि दूरट्ठिपि सुहुमंपि । सयलंपि जेण नज्जइ, करगयमिव जयइ तं नाणं ॥ ३॥ हरहसियसिया विमलक्खमालिया कमलकुंडिया हत्था । कमलत्था भवियाणं, संतिकरी होउ संति सुरा ॥ ४ ॥ १९. मल्लिजिनस्तुतिः
मल्लिजिणो कलसंको, पभावई - कुंभ-संभवो जयओ । पणुवीस धणुच्चो अस्सिणीहिं जाओ जयंताओ ॥ १ ॥ सिद्धि बहुसामुक्कंठियाणमवि चरणलच्छि संताण । सव्वंगसंगि केवल सिरीण भद्दं जिणंदाणं ॥ २ ॥ अजरामरपयहेडं, नरिंदसयसंथुयं धुयकिलेसं । सव्वन्नुदेसियं सुय - रसायणं कुणउ सिद्धत्थं ॥ ३ ॥ वियडजडाजूडो पयड दंड- कुंडिय - कणकणय-कंती । कुणउ सिरि बंभसंती, संति जिणमया न्नाणा ॥ ४॥ २०. मुनिसुव्रतजिनस्तुतिः
सवणेव राइय चुयं, सुमित्त - पउमावई - सुयं नमय । वीस धणूसिय कुमुयंक, कालतणु सुव्वयजिणिंदं ॥ १॥ तिहुयणपहुणो तियसिंद - वंदिए तिविह देसिय पयत्थे । तिजयवरे तिगुणधरे, तिविहेण नमामि तित्थयरे ॥ २ ॥ बहु माणसंगया ललियपयपयारयरायहं सपिया । पडसियपक्खवाया विलसउ हंसिव्व जिणवाया ॥ ३ ॥ सियसीहगया समुया तडिच्छडा सत्थहत्थ वीहरउ । लंबं च लुंबिचुंबिय हत्था डिंबाइवो अंबा ॥ ४ ॥ २१. नमिजिनस्तुतिः
वप्पा - विजयंगरुहं, पाणयचुय मस्सिणीहिं कणयनिहिं । पन्नरस धणु पमाणुप्पलंककायं नमिं नमिमो ॥ १ ॥
Jain Education International
For Private & Personal Use Only
१७३
www.jainelibrary.org
