________________
१७२
चतुर्विंशति-जिनस्तुतयः
अजवनिज्जियदंभा, मद्दवदंभोलिरुहेव गयथंभा। कयतिहुयणवीसंभा, हुंतु जिणा मे हियारंभा ॥ २ ॥ भग्गंतरंगरिउवग्ग, भग्ग-कुगाहकलंकपंकजलं । सग्गापवग्गमयं, सम्मं पणमामि सम्मसुयं ॥ ३ ॥ रंगंत"......"गयारिचडय, धणुपालखग्गवग्गकरा। वंछियमच्छुत्तावो, विजुज्जो उज्जला......... ॥ ४॥
१६. शान्तिजिनस्तुतिः भरणिहि सव्वट्ठचुओ, चालीस धणूसिओ हरिणचिंधो। संतिजिणो अइरा-वीससेण-तणओ दिसउ संति ॥ १॥ पणमहु जिणाण कमकमल-भमरकमलेसु बंधुबुद्धीए। भमरउलं कलयलच्छल-कयसद्देसुं व निवसंतं ॥ २॥ अन्नुन्नमभिमाणं, वरवीराणं व कम्मजीवाणं । भेयकरी सुहमित्तेण, जयइ हंसिव्व जिणवाणी ॥ ३॥ भवियाण माणसी दुक्ख-गुरुगिरि-हंसवाहणा हण। धरिय निरवज्ज-वज्जा, वजग्गिफुलिंग पिंगंगी॥ ४॥
१७. कुन्थुजिनस्तुतिः सिरि-सूरसुयं सव्वट्ठओ, चुयं कित्तियाहिं छगलंको। पणतीस धणुच्चं चत्त-चक्किभोगं नमह कुंथु ॥ १॥ चउतीसाइसयनिही निहीणदोसे जिणे जणियतोसे। पणतीससुद्धवयणाइसयकलिए नमसामि ॥ २॥ बहुभंग-संगय-मुदार रयणसयपूर दूरवित्थरियं । बहुविबुहनिवहमहियं, जणियसुहं नमह सुयजलहिं॥ ३॥ तडिपुंजपिंजरतणू कुणउ महामाणसी ठिया सीहे। सुखाइं खग्ग-खेडय-मणि-कुंडिय मंडियकरग्गा ॥ ४॥
१८. अरजिनस्तुतिः देवी-सुदंसण-सुओ, सव्वट्ठवराउ रेवइय चुउ। नंदावत्तंको तीस धणु-तणू अरजिणो जयउ॥ १॥
Jain Education International
For Private & Personal Use Only
www.jainelibrary.org
