________________
जिनवल्लभसूरि-ग्रन्थावलि
१६३
तमणिच्छिय तुह निच्छिय-मइणो विहरंत कुल्लयग्गामे। 'बहुलभवणे बीयदिणे पारणयं पायसेणासि ॥ २२ ॥ सुरकयविलेवणाइवि, साहियचउमासमासि ते दुहयं । भमराइकयत्थणतरुणपत्थणत्थीजणत्थणओ ॥ २३॥ पडिकूलसूलपाणिं, चंडक्कियचंडकोसियमहिं च। अगणिय नियतणुपीडं, पडिबोहियवं तुमं भयवं!॥ २४॥ एगरयणीइ वीसं, छहिं मासेहिं विविहउवसग्गे। तुह करिय हरियसुरसग्ग-संगमो संगमो जाओ॥ २५ ॥ कन्नेसु कडसलागा-पवेसगे अभिनिवेसगे गोवे। खरगे य तदुद्धरगे, तुह तुल्ला चेव मणवित्ती॥ २६॥ छचउतिदुगेगमासे एगनव दुछक्कबारस अकासी। अड्ढदिवड्ढड्डाइय-मासे बावत्तरी दो दो ॥ २७ ॥ दु-चउ-दसदिणा पडिमा, भद्द-महाभद्द-सव्वओभद्दा। कासि अच्छिन्ना तह, बारसेगराई तिदेवसिया॥ २८॥ पंचदिणूणछमासिय-खमणं कोसंबिए तुममकासि। दुन्नि सए गुणतीसे, अकासि तं छट्ठखमणाणं ॥ २९ ॥ दिवसूणझुट्ठ सया, पारणया पढमवयदिणं चेगं । इय तेरसपक्खाहिय, बारसवरिसावसाणे ते ॥ ३०॥ जंभियबहि उजुवालिय, तीसविसाहसियदसमिपहरतिगे। छटेणुक्कडुयट्ठियस्स, केवलं आसि सालतले ॥ ३१॥ सुरकयओसरणे ठाउमीसि कप्पुत्तिकाउ धम्मकहं । धुवमच्छरियं जाणिय, वरचरणअभव्वियं परिसं॥ ३२॥ बहु तियसकोडिसहिओ, निसि बारसजोयणेहिं पावपुरि। गंतुं महसेणवणे, चउविहतित्थं पयट्टित्था ॥ ३३ ॥
१. बलभवणे इति अ० बी० ह०।
Jain Education International
For Private & Personal Use Only
www.jainelibrary.org
