________________
२०. महावीरचरितम्
दुरियरयसमीरं मोहपंकोहनीरं, पणमिय जिणवीरं निज्जियाणंगवीरं । भवभडपडिकूलं तस्स मुक्खाणुकूलं,
चरियमिह समूलं किंचि कित्तेमि थूलं॥ १॥ किर गामचिंतगभवे, सम्मत्तं लहिय रहिय सोहम्मे। चविउं भविउं मिरिई, लइउं चइउं च चरणभरं ॥ २॥ उस्सुत्तलेसदेसण, कयसागरकोडकोडिभवभमणो। तह पढमवासुदेवो, भविय तिविट्ठ जिणुद्दिट्ठो॥ ३ ॥ संसरिय भवे जाओ, अवरविदेहम्मि मूयनयरीए। धारणि-धणंजय-सुओ, पियमित्तो नाम चक्कहरो॥ ४ ॥ तुडियंगाऊ पालिय, पव्वजं वासकोडिमुववन्नो। महसुक्के परमाऊ, सव्वटे वरविमाणम्मि ॥ ५॥ तो जंबूदीवभरहे, भद्दाजियसत्तुरायअंगरुहो । छत्तग्गाराएँ, पुरीए अहेसि तं नंदणो राया॥ ६॥ चउवीस वासलक्खे, वसियगिहे सुगुरुपुट्टिलसमीवे। निक्खमिय वासलक्खं, खविय सया मासखमणेहिं॥ ७॥ असयं सेविय वीसं, ठाणे अज्जणिय तित्थयरनाम। वीसयराऊ जाओ, पाणयपुप्फुत्तरे देवो ॥ ८॥ छम्मासवसेसाऊ, पुण्णखए मोहमिंति इयरेउ । आसन्नपुनपुंजा, तित्थयरसुरा उ दिप्पंति ॥ ९॥
१. 'इयरसुरा' इति अ० बी० ह०।
Jain Education International
For Private & Personal Use Only
www.jainelibrary.org
