________________
१६. आदिनाथचरितम्
नमिय जिणमुसभमुभयंसदेसविलसंतकसिणकेसचयं । मुहससिजुण्हातण्हा-रसभमिरचकोरजुयलं व॥ १॥ असुरिंदसुरिंदनरिंदविंदवंदियथुयस्स तस्सेव।। थोयारहियकरं किर, सुचरियकणकित्तणं काहं ।। २॥ धणभवमुणिदाणफलेण भविय उत्तरकुरूसु मिहुणनरो। सोहम्मसुरो तो इह, महाबलोऽवरविदेहे तं॥ ३ ॥ संबुज्झिय ईसाणे, ललियंगसुरो सिरिप्पहविमाणे। संजाओऽसि तओ पुण, पुव्वविदेहे वयरजंघो॥ ४॥ उत्तरकुरुमिहुणनरो, सोहम्मसुरो हं बारसमविजए। विज्जसुओ चक्किसिरिं, साहुतिगिच्छाए संचिणिय॥ ५ ॥ जाओ तमच्चुयसुरो, अट्ठमविजए य भविय चक्कहरो। बीसं ठाणे सेविय, निबंधिउं तित्थयरनामं ॥ ६॥ सव्वढे सुरवरसिरिं, तित्तीसयरेऽणुभविय अवयरिओ। इक्खागभूमीएँ तुममासाढे पढमचउत्थीएँ ॥ ७ ॥ मरुदेविनाभिनंदण, तिनाणलोयणमिहागयं सहसा। चउदसवरसुमिणुत्तं पि तं' निवेइंसु सयलिंदा ॥ ८॥ वसहंककणयवन्नो, कासवगुत्तो कयतिहुयणुजोओ। कसिणट्ठमीऍ चित्ते, धणुम्मि रासिम्मि तं जाओ॥ ९॥
१. 'तिन्निवेयंसु' इति वि०।
Jain Education International
For Private & Personal Use Only
www.jainelibrary.org
